首頁 日報娛樂

又同緋聞太子女約會 黃又南疑似激嬲人

11/04/2019
■因為係朋友,唔係情侶,所以兩人無拖手,但個樣亦唔太寬容,刻意前後腳。
■因為係朋友,唔係情侶,所以兩人無拖手,但個樣亦唔太寬容,刻意前後腳。 (1/7)

  黃又南唔經唔覺35歲,入行17年都無正式公開過有女朋友,近年身邊出現一位珠寶店太子女莊莎娜(Sarah),又南對此表示「朋友關係,識咗好耐,發展隨緣」更強調自己單身。明白朋友唔係男就係女,但又南同Sarah真係頻頻見面,約行街約Dinner,關係相當Close。日前晚上,兩位朋友全黑情侶裝現身銅鑼灣利園飯聚,飯局兩個鐘,離開時前後腳,女仔單獨去印停車場飛,又南行去另一邊,疑似鬧咗交激嬲人喎。 採訪:梁志明

  早年又南爸爸因為生意失敗兼沉迷賭博,欠下七百萬元巨債,又南要為父擔起還債重任,日以繼夜開工,近年終於還清。之前因為孭落一身債唔敢拍拖,無債一身輕嘅佢近年同Sarah行得好埋,但又南表示兩年冇拍拖,至今仍然單身,「我都好想拍拖,亦好鍾意有家庭有小朋友,以前計劃30歲結婚生兩個小朋友,而家發現冇得計劃,只能隨緣。」

食飯掛住玩手機

  日前晚上八點,又南將車泊喺利園停車場後同Sarah去食西餐,兩個人玩手機多過傾偈,但氣氛其實OK,玩加食用咗兩個鐘,又南埋單,兩人前後腳離開,氣氛突然變得唔多好,之後女方獨自去印停車場飛,男方自己行去停車場先,感覺兩人好似鬧完交,有啲唔妥。

其他文章
林偉 阮兒渴望新嘗試 白雲唔驚死最愛刺激玩意

最近在TVB劇集《鐵探》中有驚險演出的白雲,即將到台灣拍攝旅遊節目《3日2夜》,她表示...

hd