首頁 日報娛樂

Kenny密密賺 買千萬樓 張致恆攬C cup女友 戀愛大過天

11/04/2019
小鳥依人
■約5呎9吋高嘅Steven,身形有番咁上下份量,攬住學生妹樣嘅嬌小女友April,即刻man晒。
小鳥依人 ■約5呎9吋高嘅Steven,身形有番咁上下份量,攬住學生妹樣嘅嬌小女友April,即刻man晒。(1/8)

  去年合體開騷嘅組合BOYZ成員關智斌(Kenny)和張致恆(Steven),出道15年,二人由昔日O靚仔變男神!其中38歲爆肌Kenny愈戰愈勇,靠早年北漂肯捱多年,喺內地爆紅;34歲童顏Steven仍然襟撈,不過戀愛大過天嘅佢女友一個接一個,近年私藏「C cup」舞台劇演員女友梁皓恩(April)。日前下午,Steven與四眼的骰女友拍拖現身銅鑼灣,陪女友去配眼鏡後,再快閃遊個電車河,然後買餸返愛巢玩煮飯仔,兩小無猜咁幾sweet!

        大眼男神Kenny13年憑內地劇《追魚傳奇》喺內地彈起,身價三級跳,有傳佢喺香港、北京、橫店,甚至喺加拿大都有置業,去年再以近千七萬購入清水灣一個968呎單位,身家豐厚。BOYZ另一成員Steven就寧願有情飲水飽,曾同大佢3年嘅35E「波波姐」莊端兒發展姊弟戀,點知15年被拍到背女「偷嗒」富貴台妹,知衰嘅Steven即宣佈結束兩年情,並向女方公開道歉。分手無耐,Steven前年初喺社交平台po貼頭相留言:「不再讓憾事循環。」大頭相係同新女友梁皓恩(aPRIL)合照,自爆新戀情。新女April做過外展社工、model,近年愛上舞台劇,仲因為演出時被Steven睇中,「抄牌」後火速變情侶。

  日前下午4時,放假mode嘅Steven陪素顏女友去銅鑼灣配眼鏡。皆因April喺網誌話「N年前做完激光但又近視返,開始返四眼人生」。當日四眼April穿上鬆身衞衣,密冚激凸上圍,企埋高大Steven身邊更覺小鳥依人。兩人在眼鏡店試框、試黑超等,最後Steven乖乖坐低等女友驗眼,揀眼鏡等,一個半鐘一啲怨言都無,唔怪得佢話自從同有上進心嘅April拍拖後,自己都變得成熟咗,仲話視女友為結婚對象呀!配完眼鏡,兩人浪漫搭三分鐘電車落灣仔,Steven沿途一直搭住女友膊頭連體放閃,唔怕被人認出。最後,二人拍拖買咗兩袋餸,再行返唐樓愛巢,預演平淡又溫馨似嘅夫妻生活,份外甜呀!

採訪 : 梁志明

其他文章
林偉 阮兒渴望新嘗試 白雲唔驚死最愛刺激玩意

最近在TVB劇集《鐵探》中有驚險演出的白雲,即將到台灣拍攝旅遊節目《3日2夜》,她表示...

hd