首頁 日報娛樂

懸崖邊睇大西洋超壯觀 顏福偉愛爾蘭學斟啤酒

12/04/2019
■顏福偉到Cliff of Moher睇風景,非常壯觀。
■顏福偉到Cliff of Moher睇風景,非常壯觀。 (1/7)

  英國脫歐前路未明,揸英國護照的顏福偉(Stephen)怕日後去歐盟成員國愛爾蘭過關太花時間,早前就去當地旅遊。他去了首都Dublin及Galway,除了參觀Dublin Castle和到Lisdoonvarna遊覽,最深刻是到Cliff of Moher看大西洋,風景很壯觀。飲食方面,他推介食海鮮,又可到手造朱古力小工廠食香滑的朱古力,他還到著名的Guinness Storehouse飲啤酒、學倒酒和買紀念品,五日行程非常滿足。撰文:李佩儀

  Stephen表示歐洲國家已遊覽得七七八八,唯獨愛爾蘭未去過,他坦言:「嗰度冇高樓大廈好舒服,當地人幽默又友善。」他亦去了Lisdoonvarna,相傳百幾年前這小鎮的農夫冇機會識伴侶,所以有人搞相睇,至現時每年9月該鎮都有「相睇節」( Matchmaking Festival)。之後他搭一個鐘車到達Cliff of Moher,他說:「係一個懸崖峭壁,可以望到大西洋,但大風到行唔到,又落冰雹,我最初要匿喺嚿石後面,等到出太陽再行,風景真係好壯觀!」

海鮮好出色

  他之後往Dublin巿中心的Dublin Castle參觀,他表示:「好似博物館咁好多嘢睇,入場費都係8個歐羅(約70港元)。」提到Guinness Storehouse,他興奮說:「嗰度5層樓高有介紹佢哋嘅歷史同釀酒過程,仲有人教我點斟酒,我唔飲開啤酒,但都飲咗好多,因為真係好好味,仲買咗好多紀念品。」問他今次歎了甚麼美食時,他續說:「當地嘅海鮮好好食,尤其係生蠔;有間近海邊嘅餐廳,佢個蝦沙律超好味,仲有去咗間手造朱古力小工廠,啲朱古力好滑。」玩了五日夠晒充實。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd