首頁 日報娛樂

劉松仁欽點演利瑪竇 王梓軒排戲排到無晒自信

12/04/2019
■沈震軒、王梓軒、徐偉賢及古明華因合作《利瑪竇》成為老友。
■沈震軒、王梓軒、徐偉賢及古明華因合作《利瑪竇》成為老友。 (1/7)

  王梓軒(Jonathan)獲欽點,主演劉松仁監製的歌舞劇《利瑪竇》,和女主角陳潔儀(Kit)上演主僕情,團隊還有做康熙皇帝的沈震軒(Sammy)、「西方教士」古明華及同利瑪竇亦師亦友的舞台劇大師徐偉賢。王梓軒身負重任演利瑪竇,坦言呢3個月都活於松哥高壓之下:「雖然係有壓力,但係好正,真係學到好多嘢。」採訪:方騫平 髮型:Jimmy Chan @ Hair Culture(王梓軒)

場地:工創空間 Index@觀塘

  歌舞劇將於4月20至28日在文化中心上演,從演50年,69歲的松哥停工逾一年執導該歌舞劇,並親自選角,對所有演員都有要求。王梓軒表示:「最難係松哥要求我1至4月都畀晒期佢,一周排足6日,最後一日用嚟練歌,基本上日日都無得停。排戲其間松哥成日『彈鐘』,話唔係咁演,都唔記得推翻咗幾多次喇,(有冇影響自信心?) 咁又冇,因為佢要求都好合理,而且會喺適當時會o氹番你,畀返小小信心我,過程中更深入了解角色。」被問到要Hold期有否收入?Jonathan認為作為演員唔去深造永遠冇得進步。而徐偉賢補充說:「演戲藝術修養會提升。」

  原來梓軒和松哥3年前合作完劇集《華麗轉身》後,松哥已跟他定3年之約,話將來一定會再合作,大半年後舊事重提,松哥還保證一句:「你相信我,唔好諗票房反應,呢套歌舞劇係你演藝生涯重要轉捩點!」沈震軒打頭陣出場好有壓力,「我做舞台劇冇信心,曾經向松哥推戲,不過真係好似整定咁,今次係音樂劇,而且松哥好有誠意,話可以遷就我獨立排練時間。」語畢,他笑問梓軒係咪好羨慕松哥肯遷就他?Jonathan笑指兩人係新晉跳唱組合「沈梓軒」:「我哋好勁,一出道就喺文化中心演出,到時仲會翻觔斗。」至於古明華就透露松哥搵他時,只輕輕說一句:「唔好諗原因拒絕,你最後都要做。」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd