首頁 日報娛樂

再演ICAC更貼地 陳家樂為事業暫忘愛情

12/04/2019
■家樂自言唔心急拍拖,寧願全副精神時間放在工作上。
■家樂自言唔心急拍拖,寧願全副精神時間放在工作上。 (1/7)

  陳家樂繼電影《廉政風雲 煙幕》後,最近在TVB逢周六播出的新劇《廉政行動2019》再次飾演ICAC調查員,但今次角色更立體更貼地,對他是個新挑戰。講到劇中跟陳瀅演鬥氣冤家大搞曖昧,他澄清兩人現實只是好拍檔,亦不會因傳緋聞而見面尷尬,他又坦言暫時想專心工作打好事業基礎,未敢想感情事。  

採訪:杜淑霞 髮型:Kenricksiu @fifthsalon 化妝:Khaki Yan

  家樂謂今次角色「歐陽智」最大挑戰是跨度大,「我哋用五集故事交待10年間發生嘅事,每集都會睇到我嘅成長,不過今次除咗查案,仲會講到我同圍村屋企人嘅關係,所以角色更加立體,又喺廉署協助下拍攝,會更真實同貼地。」

  劇中黃智賢和滕麗名飾演家樂和陳瀅在ICAC內的師傅,而他跟拍檔陳瀅是對鬥氣冤家,當中帶小小曖昧,「導演話如果拍第6集我哋就會拍拖。」不過家樂強調兩人冇戲假情真,只是合作愉快,更大讚對方演戲有天份,「導演講啲嘢,佢一點就明,即刻做到,其實佢唔似外界覺得咁『女神』咁高高在上,反而好貼地,可能因為呢種性格佢易惹緋聞。」他又指兩人沒有因為緋聞影響友情,見面亦不會尷尬。講到感情事,家樂坦承暫時未有心情拍拖,「我真係唔心急,自己個人又悶點出去識人,都係專心做好工作先,嚟緊要去墨西哥為電影《緊急救援》拍攝,返嚟都想多啲工作機會,都想再拍劇磨練吓演技。」

其他文章
林偉 阮兒渴望新嘗試 白雲唔驚死最愛刺激玩意

最近在TVB劇集《鐵探》中有驚險演出的白雲,即將到台灣拍攝旅遊節目《3日2夜》,她表示...

hd