首頁 日報娛樂

天氣轉熱同阿女換季 54歲關詠荷仲係好靚

12/04/2019
■戴住白帽嘅張太好用心幫囡囡揀衫。
■戴住白帽嘅張太好用心幫囡囡揀衫。 (1/7)

  一啲都唔似54歲嘅張太關詠荷平日最鍾意拖住13歲嘅囡囡張童(Brittany)四圍去,去書店買書啦,去買童裝啦,去食Cake啦,兩母女非常享受,本報記者都影過無數次兩母女溫馨遊街,睇住張童由妹妹仔變少女,但張太就一直無變,皮膚又白又滑,仲係好鬼靚。   採訪:張詠森

  天氣開始熱,日前下午2點,着住白Tee加白帽加運動褲嘅張太又同囡囡去ifc行街,見佢由Landmark方向行過去,目標好明確,見到時裝店即入,先後入咗意大利O靚妹品牌Brandy Melville,品牌大部份衣服只有細碼及極少量中碼,多兩吋肉都着唔到,好slim嘅張太同張童當然無問題。

  張太不斷揭短袖Tee同短褲,睇啱就叫囡囡拎入更衣室試身,試足半個鐘最後有入手新貨,每件Tee都係三嚿,非常抵着。之後兩母女轉去加拿大運動品牌Lululemon繼續睇衫,張太繼續幫囡囡搵衫,今次主攻運動型背心及褲,同樣揀好款式就叫囡囡試,乖乖女張童一直跟住媽咪,媽咪揀得嘅自然好嘢,因為人太多,最後唔知買唔買得成,但就有一樣嘢好肯定,就係淡出娛樂圈,專心湊女嘅張太仲係好靚,皮膚好有光澤,無忽似54歲。

其他文章
林偉 阮兒渴望新嘗試 白雲唔驚死最愛刺激玩意

最近在TVB劇集《鐵探》中有驚險演出的白雲,即將到台灣拍攝旅遊節目《3日2夜》,她表示...

hd