首頁 日報娛樂

轉行大眾化時裝店 陳慧琳做「服指」幫助手揀衫

12/04/2019
■是日中性打扮嘅Kelly,同助手去完灣仔再落中環shopping。
■是日中性打扮嘅Kelly,同助手去完灣仔再落中環shopping。 (1/7)

   Model身形嘅潮媽陳慧琳(Kelly),平日愛出入名店,揀靚衫出騷。日前下午,着上格仔潮裝嘅Kelly居然現身中環平民時裝店,原來黑超Kelly是日化身服裝指導,用佢專業眼光好細心咁幫女助手親手揀衫。兩女行足逾半小時,助手收穫甚豐呢! 採訪 : 張詠森



  靚靚人妻陳慧琳,上月過咗澳門開騷,佢話明年係入行25周年,希望可以喺紅館舉行演唱會,望成功入紙同班fans慶祝吓!澳門騷就作為預演,更花了六位數字添置新裝。舞台上,完美身型嘅Kelly例必頻頻換靚衫又大晒長腿,儼如個人迷你fashion show。

明年開紀念騷

  日前下午,Kelly化咗個淡妝和女助手出巡。兩女先去灣仔嘅星級salon整頭,離開時Kelly仲手挽一袋美髮用品,之後踩去中環繼續shopping,未幾又有一大袋戰利品由女助手負責拎。之後,二人行咗入一間價錢大眾化嘅連鎖時裝店,似乎唔係平日Kelly行開嘅名店級數喎!只見Kelly除下黑鏡,好認真揀衫,揀完就將衫拼喺助手身上望吓,原來係做客席「服指」,幫助手揀衫啫!唔使15分鐘就揀中幾件衫,再陪助手去試衫,認真體貼。逗留逾半小時,女助手笑笑口埋單,拎住一大袋衫同Kelly出門口上七人車走人。

其他文章
林偉 阮兒渴望新嘗試 白雲唔驚死最愛刺激玩意

最近在TVB劇集《鐵探》中有驚險演出的白雲,即將到台灣拍攝旅遊節目《3日2夜》,她表示...

hd