首頁 日報娛樂

「集郵」後秒速變臉 被鬧大牌 孝順仔袁偉豪 陪長輩歎茶 笑返晒

12/04/2019
回復笑容
■攰樣上身嘅袁偉豪,初時無厘表情,但被親友開解後回復笑臉。
回復笑容 ■攰樣上身嘅袁偉豪,初時無厘表情,但被親友開解後回復笑臉。(1/9)

        37歲嘅星馬雙料視帝袁偉豪(Ben),近日拍住影后惠英紅演出無線新劇《鐵探》,口碑收視雙贏。惜日前有指Ben與女fans合照後秒速變臉,即被鬧「扮大明星、耍大牌」,搞到當事人網上反擊「無資格評論我人品」,其後無奈話「想享受私人時間,不想被人打擾。」新劇播映同時有是非贈興,袁偉豪當然嬲嬲豬,不過日前本報撞見佢放假時陪母親及長輩去圓方歎茶,Ben全程對老人家好孝順又照顧有加,品性應該唔差!

袁偉豪嘅「是非事件簿」,加埋今次「變臉」又添一單。日前,Ben跟紅姐等出席《鐵探》宣傳,順道慶祝新劇高收視時,講到有網民投訴他「扮大明星」,他輕鬆自若地回應:「唔係罵戰,我近排好收斂,我都唔係好記得發生咩事,喺工作以外想享受私人時間,唔想被人打擾。」又笑言EQ時高時低,一向性格率直,有網民叫佢「直豪」。

愛錫外公外婆

        雖然有唔少負評,但阿Ben對家人就肯定一百分。日前下午,唔使開工嘅Ben抽空陪母親、外公外婆和一名女親友在圓方一間cafe歎茶。五人分兩張枱坐,面向門口嘅Ben睇落個樣幾殘,無厘表情。同媽咪和女親友吹咗一陣水,乖仔Ben心情返晒嚟,終於見到佢笑笑口,阿媽都安樂晒,放心飲咖啡啦!High完tea,眾人轉行超市,見乖孫Ben真係好孝順,對兩老照顧有加,陪伴揀嘢又會出手護航,怕其他人撞親老人家。又不時和婆婆傾吓買咩生果、蔬果等,關懷備至。Shopping廿分鐘,Ben仲負責排隊畀錢,然後手拎戰利品陪家人去附近住宅等(車立)。開(車立)門後,見阿Ben友善按(車立)掣,讓家人和住客慢慢入(車立),自己最後才入(車立)。現實嘅袁偉豪呢日有禮又全無架子,唔like佢嘅人應該要對佢另眼相看啦! 採訪 : 李維隆

其他文章
天佑《尋常心》大膽演HeHe 梁祖堯感激秋生助陣 成夢幻組合

  舞台劇百花齊放,近年吸引唔少影帝影后級人馬踏上舞台親親戲迷。最近「風車草劇團」將美國得獎舞...

hd