首頁 日報娛樂

合體開十周年演唱會 Mr.珍惜演出唔再面左左

13/04/2019
■MJ(左起)、Dash、Tom、Alan及Ronny會好好享受兼珍惜重聚夾band嘅機會。
■MJ(左起)、Dash、Tom、Alan及Ronny會好好享受兼珍惜重聚夾band嘅機會。 (1/7)

  曾經因意見不合,分道揚鑣的樂隊Mr.終於合體於5月17及18日第四度踏上紅館舉行《Mr. Everyone Concert 10》慶祝出道10周年。曾被指責飛起樂隊的主音布志綸說:「而家我哋做唔同嘅工作,呢個狀態係最好嘅。」Tom點頭同意說:「合體感覺好開心,仲有乜感覺好過呢樣嘢?」換個玩法, Mr.更勝從前。採訪:方騫平        髮型:Terryyeung@ hair corner

化妝:Kineta@Wendy’s Workshop 場地:RedMR 紅人派對



  Mr.隊員MJ(譚傑明)、Dash(譚健文)、Tom(杜志烜)、Alan(布志綸)及Ronny(黎澤恩)相隔6年再踏紅館,他們希望用音樂同歌迷分享10年嚟嘅改變。Alan說:「因為香港係一個好需要希望嘅地方,近年轉變好大,好多嘢都有口難言,我哋都曾經歷過,所以用音樂同大家分享同埋表達香港生活點滴,希望香港會更加好。」Mr.鬧不和鬧足6年,甚至去到零溝通,不過,他們保證已取得默契,Alan說:「目標為本,大家都非常珍惜同努力。」

  Dash認同Alan並補充:「當日大家都做得唔開心,停一排,大家再面對樂隊,就搵到當中嘅快樂,而且部份成員建立咗家庭,感覺同以前好唔同。不過,今次我哋以獨立樂隊形式演出,所有嘢都自己一手一腳搞掂。」Dash表示Mr.合體誠意十足,希望歌迷能夠感受到。另外,Mr.透露今次開Show會少說話多唱歌,用歌曲同歌迷分享心路歷程,Tom話盡量畀人感覺五為一體,Dash笑說:「講嘢留畀黃子華啦,歌迷應該最想睇到我哋喺台上有溝通,哈,今次我哋五個人會攬埋一嚿。」少發言的MJ冇意見:「我唔唱歌就得,其他你哋決定,最多係和唱。」

其他文章
天佑《尋常心》大膽演HeHe 梁祖堯感激秋生助陣 成夢幻組合

  舞台劇百花齊放,近年吸引唔少影帝影后級人馬踏上舞台親親戲迷。最近「風車草劇團」將美國得獎舞...

hd