首頁 日報娛樂

「大肚」翠如唔錫身 親拍炒車戲 連詩雅處女擔正 胸壓益對手

13/04/2019
貼身養眼
纖瘦身型嘅連詩雅,穿上白色緊身衫,32B上圍好吸睛。
貼身養眼 纖瘦身型嘅連詩雅,穿上白色緊身衫,32B上圍好吸睛。(1/9)

        日前,由林文龍、黃翠如和連詩雅(Shiga)主演嘅無線新劇《致所有愛過的人》舉行煞科宴,首度擔正拍劇嘅Shiga話大家對足三個半月,好唔捨得。日前下午,本報喺將軍澳工業區直擊Shiga等人拍攝煞科嘅炒車戲份。早前傳懷孕兩個月嘅翠如,劇中同樣大肚,見佢親身上陣,粉碎佗B傳聞。而穿上白色緊身衫、激凸嘅Shiga,死過翻生帶傷擁抱馬貫東,心口緊貼,唔怕被音樂才子男友徐浩詐型咩!?

        日前下午3時,翠如與林文龍、連詩雅、馬貫東喺將軍澳拍攝《致》嘅煞科戲。劇情講述4人發生車禍,只見佢哋均化上受傷妝容,兩架車更炒到爛晒。劇裏扮演大肚婆嘅翠如穿上鬆身衫且裝上「小假肚」,雖然早前有指翠如懷有身孕故獲劇組人員特別「呵護」,但現場所見並無獲厚待,加上早前拍追跑鏡頭,跌倒多次又手瘀,搏晒命演出,懷孕傳聞不攻自破。當日翠如和文龍同坐一車,坐喺司機位嘅男方扮演車禍重傷者,炒車後一直癱坐,面上傷痕累累嘅翠如就滿手鮮血,一臉驚恐走出,又不停激動叫對方名字,惜車輛恐有爆炸危機,翠如無奈含淚忍痛行開。

  同場,另一pair戲內情侶連詩雅和馬貫東則坐喺另一架深色車拍攝。頭一組拍攝撞車後,二人步出相擁,男方右手掩住頸部,似受重傷。拍咗兩個take,導演滿意收貨,穿上白色緊身top、胸壓完對手嘅Shiga即彈開傻笑,然後行開補妝準備拍攝單人戲份。之後,Shiga重返爛車,坐上前座乘客位,拍一場吊車場面。只見工作人員將爛車一邊微微吊起離地約一呎,Shiga表現慌張大叫,同樣兩、三take完成。最後,拍多個衝向車開車門欲救人嘅鏡頭,Shiga就可以休息,換妝再繼續拍攝。Shiga之前曾客串《使徒行者2》,但佢指《致》劇戲份重先係處女作,又自爆拍攝期間經常請大家食早餐,被取笑倒貼酬勞,佢開心話:「始終係第一部劇,賺咗經驗,幾多錢都買唔番。」



採訪 : 李維隆、梁志明

其他文章
林偉 阮兒渴望新嘗試 白雲唔驚死最愛刺激玩意

最近在TVB劇集《鐵探》中有驚險演出的白雲,即將到台灣拍攝旅遊節目《3日2夜》,她表示...

hd