首頁 日報娛樂

提起父母感觸落淚 基仔開騷似打仗觸及舊患

15/04/2019
■基仔與方力申(右二)、側田(左三)和小肥(左)等化身組合「一條筍」唱《年年有今日》。
■基仔與方力申(右二)、側田(左三)和小肥(左)等化身組合「一條筍」唱《年年有今日》。 (1/4)

  《古巨基-我們世界巡迴演唱會香港站》第三場前晚於紅館舉行,基仔坦言今次開騷體力消耗大似打仗,仲搞到腰部舊患隱隱作痛。提到他因工作太忙只能跟父母「電聯」,每當聽到爸爸話「聽到你把聲我就安心去瞓」,他即感觸落淚。



  在演唱會上,提到基仔因工作太忙碌冇時間跟父母吃飯,只可透過電話聯絡,他說:「爸爸媽媽打電話畀我時,媽媽第一句會問『巨基工作開心順利嗎?』爸爸就會講『聽到你把聲,我就安心去瞓』。」說罷他即感觸落淚。之後基仔與好兄弟側田、方力申與小肥等化身組合「一條筍」合唱十幾年前的歌曲《年年有今日》,十分搞笑。

  基仔完騷後接受訪問,坦言今次演唱會體力消耗非常大,例如開場穿上2萬粒水晶衫重量達80磅,又要被吊起,他笑言:「做完一場騷好似打完一場仗咁,第二場完咗腰部舊患仲隱隱作痛,要搵醫師幫我拉鬆肌腱。」提到早前做表演嘉賓的李克勤,向他提供生仔秘笈,基仔笑稱:「教倒掛金鈎?邊個倒?邊個掛先?問佢,佢又叫我意會,哈哈!」

其他文章
林偉 阮兒渴望新嘗試 白雲唔驚死最愛刺激玩意

最近在TVB劇集《鐵探》中有驚險演出的白雲,即將到台灣拍攝旅遊節目《3日2夜》,她表示...

hd