首頁 日報娛樂

辣媽放低仔女shopping Jessica C. 專攻透視衫

16/04/2019
■不用15分鐘,JC已睇中幾件衫攞去試。
■不用15分鐘,JC已睇中幾件衫攞去試。 (1/6)

  擁33C警鐘胸的混血名模Jessica C.(JC),自嫁給安志杰後育有一子一女。雖然做咗媽咪,但話晒係名模,所以外形一啲都唔師奶,依然咁fit。日前着斜膊衫的她獨自到西班牙連鎖平價時裝店Shopping,一向行火辣路線嘅佢專攻透視衫裙,因為款靚又平,JC不用半小時已掃了半打,今個炎夏夠着啦!

採訪:張詠森

  JC身材一向惹火,自前年10月與安志杰在美國結婚後,現育有3歲女兒Tessa和9個月大的囝囝Elvis。為了照顧一對寶貝仔女,JC減少幕前工作,專心在家相夫教子。早前她透露今年計劃製作網上健身節目,她解釋因現時着bra top和短褲時,自覺腰部肌肉未夠結實。為令自己更健康,她打算搵私人教練教她操肌,過程會在健身節目跟大家分享。

快閃Shopping

  近日天氣開始回暖,早前見JC暫時放低小朋友去中環Zara置新裝。見佢入到店內所揀嘅全是極薄及極飄逸的雪紡衫裙,圖案有淨色亦有花花,若隱若現非常性感,完全Match晒佢嘅風格。她在下層簡單兜咗個圈就揀咗6件衫裙,再拎去二樓試身室試,試咗半個鐘,結果係全部啱心水,佢拎住一堆戰利品落番樓下排隊畀錢。心急返家的她,一出門口就跳上的士離開,絕對係快閃Shopping。

其他文章
天佑《尋常心》大膽演HeHe 梁祖堯感激秋生助陣 成夢幻組合

  舞台劇百花齊放,近年吸引唔少影帝影后級人馬踏上舞台親親戲迷。最近「風車草劇團」將美國得獎舞...

hd