首頁 日報娛樂

高齡佗第二胎胃口麻麻 林煒珊生B前去京都relax

17/04/2019
■林煒珊早前與10歲女兒到日本京都旅遊。
■林煒珊早前與10歲女兒到日本京都旅遊。 (1/7)

  「大少」林建名女兒林煒珊(Vanessa)現育有10歲女兒,幾年前她與老公想追多個,卻一直未有好消息。原本已放棄,豈料去年突然造人成功,令她驚喜萬分。今次再懷孕她表示胃口麻麻,早前見女兒有假期便帶她同公公林建名一齊去日本旅行,女兒有得玩,她就可以趁機休息吓! 撰文:李佩儀

  今次Vanessa主要去京都和大阪,她坦言好鍾意京都,因環境舒服,空氣又清新,她坦言:「我去咗龍山寺,嗰度有竹林,又有好多寺廟,周圍都好寧靜,好適合散步。」之後去貓頭鷹餐廳幫襯,她續說:「第一次去,嗰度啲貓頭鷹好得意!」之後去到大阪,公公帶了女兒去環球影城玩,她與老公就在酒店附近的大型商場行街,行到攰就搵地方坐吓。

再有B老公嚇親

  她表示再佗B時,頭4個月都有嘔,加上胃口麻麻,至現時懷孕8個月只重了十幾磅,所以她沒有特別戒口,反而咩都食,「今次食咗炸豬扒飯、蟹腳,仲有朱古力同雪糕,係因衞生問題唔敢食魚生啫。」問她終於追B成功心情興奮嗎?她直言:「初時係驚多過開心,因為高齡喇,生BB要驗好多嘢,我老公仲被嚇親,因為又要經歷過湊BB同搵學校嘅階段。」至於女兒最初都有點呷醋,但見媽媽的肚愈來愈大又覺得好Amazing。Vanessa表示預產期為下月尾,望一切順利。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd