首頁 日報娛樂

拍拖8年仲係好甜 泳兒挨實男友街頭詐嬌

17/04/2019
(1/8)

        泳兒近日忙宣傳新歌《明日花》,因歌名跟日本AV女優明日花綺羅名字相近,網上好多巴打都特別留意,宣傳策略相當成功,最搞笑泳兒笑男友唔知明日花係邊個,極度懷疑佢講大話。因為同髮型師男友已拍拖8年,感情好穩定,仲視對方為結婚對象,所以做訪問時可以暢所欲言,其實幾好吖。最重要拍拖大大方方,喺街Mood到想嗲吓男友都可以隨意做。

        多得《明日花》歌名,泳兒(圖)話男同事以後可以光明正大鍾意「明日花」,仲話因為大家講完所以都有留意,「知道明日花綺羅之前嚟香港,我重溫佢出席活動嘅片段,好靚女、火辣,身材又好,但係佢嘅作品就無深入睇。」講輕微尷尬話題無話唔敢講,其實幾好吖。

扭計幾可愛

  日前晚上7點,戴住口罩嘅泳兒同男友喺銅鑼灣行街,兩人先去袁彌明開嘅護膚品店買嘢,見泳兒男友係咁問店員,而泳兒只負責企喺度,明顯女方主力陪男友買嘢,之後佢哋行去渣甸街搵嘢食,兩人睇住大廈外嘅食店招牌,突然間,嬌小泳兒挨住男友膊頭,男友同佢講咗幾句就行去第二度,估計泳兒話「啲嘢唔啱食。」之後兩人去咗富豪酒店附近食拉麵,食嘢就唔好講嘢,兩位朋友默默食,唔多傾偈,Dinner半個鐘,泳兒男友出門口食餐後煙,食完又抽吓褲頭,而泳兒則負責埋單,然後戴返口罩同男友慢步離開。

採訪:梁志明、李維隆

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd