首頁 日報娛樂

錄傷感新歌曾經爆喊 SG Aka獲吳業坤鼓勵單飛

17/04/2019
■Aka單飛,笑言可以賺多一份錢。
■Aka單飛,笑言可以賺多一份錢。 (1/6)

  女子組合Super Girls最近有好多喜事,成員Jessica宣佈結婚,隊長趙慧珊(Aka)又繼吳嘉熙(Cheronna)後成為第2個單飛成員,新歌《你在聽嗎?》講述一段感情去到樽頸位,最後分手收場,有過同樣經歷的Aka錄音時更一度爆喊。Aka否認歌中男主角係舊愛吳業坤,不過,她自爆坤哥有鼓勵她單飛,但就唔會問他有關唱歌技巧,「呢方面交畀唱歌老師同監製。」採訪:方騫平

  趙慧珊承認坤哥支持佢單飛,但就不會要求坤哥教唱歌:「佢都忙演唱會啦,希望佢加油,我都想睇佢演出,可惜到時我應該有工作。我反而想厚面皮問張崇基、張崇德能否教我唱歌?因為我媽咪好鍾意佢哋,我幾歲大時已聽佢哋唱歌及睇佢哋演唱會,佢哋扮歌手都唯肖唯妙。唯一擔心學費應該好貴。」

一直有人追

  問到同坤哥關係,有無機會翻撻?Aka強調兩人一直係朋友,所以冇翻撻兩個字,「我哋連發展機會都無,相士話我事業心重,51歲先搵到真命天子結婚,依家我要做多啲善事,希望上天好心早啲畀呢個人我。」不過,她亦笑言自己唔係賣淨蔗,一直有人追:「托賴我人緣好,都有人約,大家會互相送上關心,但我經已表明呢幾年冇心思去培養感情,只能得閒食飯。妹妹即將爬頭嫁人,好戥佢開心。」

  她又指目前好攰唔想拍拖:「唔係感情創傷後遺症,難得單飛,所以呢幾年要衝。至少對得住自己,無悔做過嘅事。」她又剛剛去了英國進修畫畫,主攻顏色配搭,豐富自己,唔好齋食老本。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd