首頁 日報娛樂

嫌自己唔夠持久力 張彥博處男聲演動畫獲讚

18/04/2019
■阿博同小狗Rex的確有啲似樣。
■阿博同小狗Rex的確有啲似樣。 (1/6)

  38歲張彥博(阿博)憑著TVB劇《跳躍生命線》飾演「暖男」救護員「雄姐」得到網民喜愛。去年尾即乘勢追擊舉行處男演唱會,最近更第一次聲演動畫。於《女皇哥基大冒險》中阿博聲演英國皇室最得寵的哥基Rex,由於最得英女皇歡心,他的態度不可一世。他笑說:「配完音嗰排真係覺得自己變身Rex,有時會不自覺做埋過癮表情,真係入晒血咁,連我都覺得自己變咗狗樣,真係好好笑。」採訪:方騫平 攝影:李維隆

髮型:Deep Yu @ Beijing Hair Culture 場地:港威酒店Three On Canton

  今次張彥博聲演的狗Rex,聲演其主人的就是羅蘭姐,兩人合作過好多次,很有淵源。不過,因為分開配音,加上語調及聲線有別平日說話,羅蘭姐認不出張彥博就是Rex。處男聲演動畫,張彥博形容係好大挑戰:「雖然細細個都鍾意睇卡通片,但從來冇諗過配音,好彩呢5年嚟拍過咁多劇,對配音方面有幫助嘅,但都考到我,因為要keep住把聲有energy,可惜我持久力唔夠,配完音三日聲都拆晒。」

  張彥博係完美主義者,對自己好有要求:「最高紀錄一句說話用唔同情緒,唔同tone配咗60幾次,成套戲我有280幾句對白,正因太嚴謹,我配足3日3夜,每日由朝早9點配到凌晨12點,配到冇晒反應,原來經已不支瞓着咗。(怕唔怕畀人話奄尖?) 唔知呀,但我做每樣嘢,都落足200%力,會搏到盡,奄尖係好事,唔係邊有好嘢你哋睇,最難係做好多狗嘅反應聲,而且又要跑又要跳,個人要好多幻想,最開心獲讚係超晒水準嘅配音新丁。」戲中Rex係鬼馬小狗,現實中張彥博一樣頑皮,不過,配完音後覺得自己連樣都似埋Rex,好抵死。

其他文章
如個人音樂回顧展 蘇永康首個中樂伴奏演唱會

蘇永康(阿公)將於6月21日及22日假紅館舉行「All That Jazz (&Pop...

hd