首頁 日報娛樂

食藥延遲經期致肥腫 蔣家旻沖繩拍攝唔敢露

18/04/2019
■蔣家旻身穿妹妹泳衣裙,遮晒身材真浪費。
■蔣家旻身穿妹妹泳衣裙,遮晒身材真浪費。 (1/7)

  蔣家旻(Angel)為拍張志明監製的TVB旅遊節目《3日2夜》到沖繩及石垣島取景兩周,現年29歲的Angel,身高170cm,三圍34C、24.5、34.5,空有一副好身材,但她竟然封胸,在節目中只穿少女Cute Cute款或一件頭泳衣裙出鏡,香艷感是零,原來佢係有苦衷:「因為拍攝期撞正月事,所以要食藥延期搞到我肥腫難分,露得愈少愈好,好慘。」採訪:方騫平



  之前龔嘉欣及何廣沛在《3日2夜》的「夏威夷篇」玩突破,拍旅遊節目拍到如浪漫愛情故事,反應好好,勁收15點。今集「石垣島篇」由蔣家旻及娛樂新聞台主播大隻仔潘梓鋒(Bryan)上陣,兩人會拍住上山下海,玩浮潛及空中滑翔傘,Angel仲要喺連地圖定位都搵唔到嘅海中心「幻之島」扮美人魚,不過,她就嫌自己唔夠索:「嗰10日因為撞正經期,為咗拍嘢我要食藥延遲生理期,搞到條腰好腫,皮膚唔好,而且副作用好勁,有2日半夜想嘔同反胃感覺,觀眾唔知以為我肥咗,其實係腫,唯有盡量少露肉。」

失重心跌咗落海

  蔣家旻唔識游水,呢次trip本身要潛水,但她太驚只能玩浮潛:「人生第一次接觸海洋生物,近距離睇到靚珊瑚,仲有魚仔,好正。」避得過深海潛水,豈料論論盡盡的她坐Marble艇拍水上活動時,因為好努力咁拍嘢捉錯了扶手位,加上人又輕,便失去重心跌落海,嚇窒在場所有人:「當時我來不及反應,正當Bryan準備跳落海救我時,好彩我着住嘅救生衣發揮功效,好快我就浮返上水,真係有驚無險。」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd