首頁 日報娛樂

靠戲劇助成長 姬素•孔尚治追夢唔怕遲

18/04/2019
■姬素從事兒童教育多年,認為跟小朋友講故事除了夠生動,小道具一定不能少。
■姬素從事兒童教育多年,認為跟小朋友講故事除了夠生動,小道具一定不能少。 (1/8)

  剛憑電影《淪落人》奪得金像獎最佳新演員的姬素•孔尚治(Crisel Consunji),本身跟丈夫經營兒童教育中心兼親自做導師的她,將在康怡廣場舉行以《三色貓咪學飛》繪本故事內容的星級親子講故事工作坊。原來姬素10歲已演音樂劇,親身經歷令她體會到戲劇對小朋友成長有很大幫助,但因家人反對一直沒機會實現演員夢,不過她一直沒放棄,終今日踏上頒獎台,她仲話想學好廣東話開拓演出機會。 

採訪:杜淑霞  場地:康怡廣場

  自小愛表演的姬素,10歲在菲律賓馬尼拉已正式踏上舞台,「我好細過已經好鍾意唱歌同演戲,父母知道我鍾意表演,咁啱音樂劇《貝隆夫人》音樂劇招考小演員,就帶我去面試,於是我就開始有機會演戲,因為我冇學過演戲同唱歌,當時都係靠聽同場嘅演員指導嚟演出,後來我先開始去學表演嘅嘢。」

父母反對入行

  姬素以過來人經驗,認為戲劇對小朋友成長有很大幫助,「表演可以令小朋友更加了解自己,同埋識得表達自己,對小朋友學習有一定幫助。」她又坦言曾立志當演員,但估不到今日才能圓夢,「我嗰時演出以為觀眾啲掌聲都係畀自己㗎!哈哈!所以嗰時就算要兼顧學業同表演好辛苦,我都冇放棄過做演員,但我父母比較傳統,反對我入行,佢哋想我做律師多啲,但我覺得唔適合,轉咗讀全球政治,不過我一直都有學習演藝嘢同表演,估唔到依家34歲終於有機會實現夢想,我喺菲律賓嘅演員朋友知道我做電影主角都好驚訝,我都會將呢個經歷同小朋友分享,證明只要堅持,同裝備好自己,仍有實現夢想機會。」

  姬素雖已先後得到導演會及金像獎最佳新演員獎,但她直言因外籍身份演出機會始終有局限,但她仍會堅持做演員,「如果有機會演出,就算要我全套戲講廣東話,都會努力苦練。」她認為做演員不容易,所以好替拍檔黃秋生得獎開心,更笑言得獎後,只想好好瞓一覺同食餐好。

其他文章
如個人音樂回顧展 蘇永康首個中樂伴奏演唱會

蘇永康(阿公)將於6月21日及22日假紅館舉行「All That Jazz (&Pop...

hd