首頁 日報娛樂

為供加國樓慳到盡 陳瀅拉麵分兩餐食

18/04/2019
■住附近千萬豪宅嘅陳瀅,不時近近地揸車去圓方shopping及醫肚。
■住附近千萬豪宅嘅陳瀅,不時近近地揸車去圓方shopping及醫肚。 (1/6)

  29歲嘅宅男女神陳瀅(Jeannie),日前自爆喺加拿大豪花數百萬元置業O氹婆婆,笑言做業主後供樓及生活壓力好大,要積極工作。日前下午,Jeannie和女助手現身圓方食拉麵,見佢一邊食一邊玩手機,之後仲將食剩嘅麵打包走人,慳住食多餐,仲響應呼籲咪做大嘥鬼呀! 採訪 : 李權威



  陳瀅近年嚟事業愛情同步升溫,去年傳佢同英皇男神陳家樂因拍攝新劇《廉政行動2019》,由劇中鬥氣冤家擦出愛火花。事業方面亦長拍長有,早前大結局嘅《福爾摩師奶》中,Jeannie扮演高級交際花「素嘉」跟陳松伶鬥戲,陰沉演技被激讚,有網民指佢有機會攞今年嘅女飛躍進步獎。早前,佢又有客串《降魔的2.0》演女鬼,又拍落一套新劇《黃金有罪》。

Keep住拍劇

  日前下午3時,陳瀅偕同女助手去圓方shopping減壓。兩女行咗一陣都無收穫,就去歎碗拉麵。見Jeannie食得好急,餓底上身,似乎係全日第一餐囉。其間,佢一邊食一邊玩手機,唔通向緋聞男友陳家樂報告行蹤?!快食十分鐘,Jeannie將食剩嘅半碗麵打包,然後手拎罐汽水,同助手行去停車場取車離開。一餐麵分兩餐食,惜食之餘又可以慳埋錢呀!

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd