首頁 日報娛樂

「十二路譚腿」回歸現代 王君馨短褲仔晒爆肌腳

24/04/2019
■雙腿肌肉線條好搶眼嘅王君馨,傾埋個電話先入店。
■雙腿肌肉線條好搶眼嘅王君馨,傾埋個電話先入店。 (1/7)

  32歲嘅王君馨(Grace)呢3個月忙於拍攝無線新劇《唐人街》,劇中飾演殺手嘅Grace招牌功夫係「十二路譚腿」,苦練腿功嘅佢練出爆肌肉腳。日前下午,出席完活動換番對波鞋嘅Grace,偕女助手去中環ifc行街。短褲仔下,佢行路時大腿肌肉好有爆炸力,睇得出佢下咗唔少苦功囉! 採訪:李維隆

  王君馨16年憑《城寨英雄》中花曼一角發圍,去年喺《是咁的,法官閣下》中首度擔正,近日再拍住《城寨》舊拍檔陳展鵬、伍允龍等,加埋《同盟》部份班底陳山聰、姚子羚,拍攝懷舊動作片《唐人街》。新劇中,Grace強項係起飛腳,苦練「十二路譚腿」去應付打戲,笑言成日打到傷晒,唔適宜懷孕,等遲啲再拍完另一套劇先開始調理身體,「造人」大計下年再諗喎!

帶篋掃貨

  至於佢有份參與嘅新劇《鐵探》近日熱播中,口碑收視雙贏。日前Grace打扮靚靚出席完活動後,換番對波鞋心情大好偕助手去ifc shopping。當日,Grace在時裝店大手揀衫,連身裙、花恤衫、熱褲等乜都睇一餐,揀中就拼上身。逗留半小時,人妻收穫甚豐,買咗堆新貨放晒入行李箱,再笑笑口滿足離開。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd