首頁 日報娛樂

爆偷食曝光前真心話 黃心穎嫌馬國明未夠好

24/04/2019
品評馬明
當日好風騷的黃心穎覺得馬明未夠好,「OK啦,可以好啲,有進步空間 。」
品評馬明 當日好風騷的黃心穎覺得馬明未夠好,「OK啦,可以好啲,有進步空間 。」(1/11)

        4月16日驚爆「安心偷食事件」,被指「世界級姣Wing」的黃心穎在車廂內偷食人夫許志安,震驚全城。最新出版的《東周刊》亦獨家直擊心穎在鯉魚門寓所抱頭痛哭。「安心」短片流出前,心穎曾接受本報記者訪問透露未打算嫁馬明,「未去到呢個地步。」還嫌馬明未夠好:「可以好啲,有進步空間。」甚至希望馬明黐好男人如黃浩然一齊玩,唔怕惹緋聞。可憐一直被視為後備情人的馬國明,喺「安心」出事的本月3日晚出席朋友生日派對後翌日(4月4日)拍新劇《降魔的2.0》期間心掛掛,埋位前不時睇手機,成晚心緒不寧。

4月4日下午,馬國明、黃智雯、楊明及陳瀅喺石硤尾為新劇《降魔的2.0》拍外景,當日只係拍攝輕鬆談情場口,但馬明個心似乎有啲囉囉攣,埋位前不停睇手機,愈睇愈無癮,但心情尚可,仲同揚明一齊「萬歲」請劇組食蝴蝶酥。轉景期間,他主動跟本報記者做訪問,馬明坦承拍《降魔的2.0》好忙,個幾星期先見到一次心穎。當問到會唔會同居嚟維繫雙方感情?馬明即耍手話:「唔使,又未致於要同居嘅。」馬國明最後補充唔使開工嘅日子,會盡量爭取見面補償返。

風騷笑不停玩手機

  有傳梅小青監製的《法證先鋒IV》原打算安排為台慶劇,但有份演出的黃心穎出事後引致劇集延播外,甚至要找人頂替心穎的角色重拍。月前,黃心穎跟黃浩然、陳煒、譚俊彥及朱晨麗等為《法政》在灣仔一酒樓拍攝一場為鄭俊弘慶祝生日嘅戲份,因為當晚橫風橫雨,演員們通宵呆等停雨,但心穎有別眾人經常風騷笑坐埋一邊不停玩手機。

想馬明同好男人Fd

  圍埋吹水時,黃浩然話自己體力有限,堅持一年只拍一套劇,其他時間用嚟陪妻女:「我同譚俊彥、張穎康都好夾得埋,大家都有兩個小朋友,又有個好老婆。」黃心穎即搶說:「我知佢哋係好男人,佢哋都好錫屋企人,馬明同佢哋多啲交流吓,我會好放心,亦唔會怕佢有緋聞。」當問到馬國明係咪合格男友?黃心穎似乎未算太滿意,只淡然說:「OK啦,可以好啲,有進步空間,不過,留得喺我身邊一定係好人。」黃浩然又笑住爆料說:「馬明好悶,佢開工食豆豉鯪魚㗎。」

馬明被讚無奈苦笑

  再問心穎有無打算拍完《法證》同馬明結婚時?她即一口否認:「黐線!冇Plan,未去到呢個地步。」此刻,張穎康突然大師上身說:「馬明係好男人呀。」心穎被全城怒插累同劇演員「陪葬」。監製梅小青最頭痛,她表示場景和演員的調配未能重拍,正研究如何處理:「相信總有天意,凡事盡力而為,演員知道情況都傳來慰問,尤其浩然,互相勉勵,很正面。」至於馬國明不帶半句惡言面對「安心」事件,甚至出言維護女友被封為圈中清泉好男人,人氣急升,對此,他苦笑說:「呢啲人氣不要也罷,我只想事情快啲過去。」

採訪:方騫平 攝影:李維隆、李權威

其他文章
如個人音樂回顧展 蘇永康首個中樂伴奏演唱會

蘇永康(阿公)將於6月21日及22日假紅館舉行「All That Jazz (&Pop...

hd