首頁 日報娛樂

嘲Chilam身形似多啦A夢 袁詠儀狂掃瘦身產品 迫老公減肥

25/04/2019
凍齡人妻
■47歲嘅袁詠儀,近年來瘦咗又靚咗,加上留返長頭髮增添女人味,就算唔化妝,都好有仙氣。
凍齡人妻 ■47歲嘅袁詠儀,近年來瘦咗又靚咗,加上留返長頭髮增添女人味,就算唔化妝,都好有仙氣。(1/11)

        47歲嘅美魔女袁詠儀(靚靚),日前喺社交網誌Po相,見佢一家三口同友人搽泥漿遊船河好Happy,照片中着上三點式泳衣嘅靚靚身材好fit,反而丈夫Chilam圓碌碌仲有小肚腩,難怪被老婆取笑身形似多啦A夢,起碼要減肥廿磅啦。日前下午,呢對娛圈模範夫婦恩愛喺銅鑼灣出巡,老公去揀名錶;愛妻就獨自去大手掃兩袋瘦身產品,希望靚仔老公回復model身形囉!

早前,Chilam透露今年終極目標係變瘦,皆因老婆靚靚瘦咗成日打擊佢,所以人夫的起心肝,要「瘦到讓人心疼嘅地步」,又揚言唔會再陪太太食Pancake!其後靚靚出活動時亦嘲老公身型似多啦A夢,並謂:「佢自己知自己事啦!起碼要減20磅,中央肥胖對健康唔係幾好,飲食勁唔夠自制,不過其他方面夠自制咪得囉!」而袁詠儀近排亮相內地真人騷《妻子的浪漫旅行2》時,率正性格引爆好多金句,其中被問到老公「開小差」(即愛上另一人時會點做?)靚靚即丟筷子嗌:「煮了他!」笑聲滿場。

「終極目標變瘦」

  不過現實中Chilam和靚靚相戀27年、結婚18周年,恩愛到痹啦!日前下午3時,呢對模範夫婦又例牌行銅鑼灣放閃。先見到素顏張太獨自在時代廣場shopping。靚靚在一間護膚品店內選購營養補充品、瘦身products等,照顧晒12歲高佻囝囝張慕童,以及要搣脂老公嘅需要。逗留半小時,靚靚滿載而歸,再行去對面錶舖搵老公。

外賣同乖仔兩份食

  原來Chilam早已坐在錶店揀鑽錶,兩公婆坐低再睇多陣,人夫似乎對一隻售價六位數字、鑲滿鑽石嘅鑽石錶好有興趣,試戴完再拎儀器仔細睇鑽石,搵到又淨到,最後笑晒口簽卡走人。之後,二人分道揚鑣,Chilam去取車;靚靚就去買珍珠奶茶、煎釀三寶、燒賣、魚蛋等街頭小食。買夠二人份量,老公要節食,無份啦!好明顯係買返屋企同阿仔慢慢歎啦!

採訪 : 李權威

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd