首頁 日報娛樂

英皇前小花 3T做晒「人妻」 36歲Maggie肚凸凸湊4歲仔

26/04/2019
■凸肚Maggie外貌無乜走樣,其4歲愛兒似足父母,好高大。
■凸肚Maggie外貌無乜走樣,其4歲愛兒似足父母,好高大。 (1/8)

  日前,英皇前小花、3T成員蔣雅文(Mandy)由台返港,約埋鄭希怡(Yumiko)等好友Gathering,憶起唔少網友集體回憶,大歎話3T獨欠Maggie(劉思惠)。退出娛樂圈多年嘅Maggie,2015年未婚生仔,去年終與圈外男友小Mo共諧連理,一家三口又將再有新成員嘞!日前晚上,Maggie湊4歲囝囝行銅鑼灣,見佢肚凸凸,唔知呢胎有無成功追女,湊成「好」字呢?

採訪:梁志明

  英皇前女子組合3T,05年解體各散東西,o依家三女同17年前個樣差唔多,只係做晒人妻。Mandy 14年嫁畀台灣設計師朱經雄,喺當地落地生根做「台灣媳婦」,近日回港舉行攝影展。Maggie亦甘於平淡,喺中環名牌鞋店做售貨員多年,15年1月為男友未婚產子Aidan,去年補返個船P婚禮,近月更成功「造人」,好快生個豬baby。

  日前晚上7時許,無乜走樣嘅Maggie湊4歲仔仔和女親友行銅鑼灣時代商場。化晒妝嘅佢穿上鬆身衫、熱褲加boots,潮味十足。再睇真啲!闊身衫下腹部明顯隆起,懷孕至少5個月,陀B、湊仔又返工,唔怪得Maggie個樣咁攰啦!見佢買咗一袋豆沙餅O氹乖仔,其間又出手替愛兒抹嘴,昔日幕前型女,化身廿四孝慈母!

其他文章
如個人音樂回顧展 蘇永康首個中樂伴奏演唱會

蘇永康(阿公)將於6月21日及22日假紅館舉行「All That Jazz (&Pop...

hd