首頁 日報娛樂

感激陳家樂勁好口 陳瀅:唔知點讚番佢好

26/04/2019
■對於家樂讚演戲天份高,陳瀅解釋:「可能我理解力唔錯,容易明白導演要求。」
■對於家樂讚演戲天份高,陳瀅解釋:「可能我理解力唔錯,容易明白導演要求。」 (1/8)

  陳瀅最近首次在周六播出的劇集《廉政行動2019》擔正,雖然該劇只得5集,她一樣好開心,又透露演短劇也有難度,幸好遇着好拍檔陳家樂,大家互相幫助。對於家樂讚她是「貼地女神」,較易惹緋聞,又話她演戲天份高,佢好感激對方咁好口,笑言唔知點讚番對方好,更強調緋聞後兩人合作冇尷尬。採訪:杜淑霞        

髮型:Larry Ho@ il colpo        化妝:Vanessa Wong        服裝:maje

  陳瀅話《廉》劇雖只有5集,但拍足4個月,證明是慢功出細貨之作,由於故事內容橫跨10年,令她演起來有一定難度,「內容有講咁長,但要用5集交代,所以角色都要有小小成長,但拍攝唔係順時序,有時都會搞到好亂。」

睇情況避忌

  陳瀅又指有好拍檔陳家樂令拍攝更順利,「我中文唔好,有啲條例讀極都唔順,好彩家樂會教點講會順啲,而我就會幫番佢讀英文對白。」她又好開心有機會跟前輩鄭則仕合作,「佢會成日提點我哋㗎!不過第一日見佢,佢話我做得好咗,我幾驚同佢合作過唔記得,即刻上網搵,但原來佢有睇我之前啲劇。」

  談到家樂讚她是「貼地女神」,仲有演戲天份,陳瀅坦承好感激對方,「讚我咁多嘢,我都唔知點讚番佢好O添!我同佢真係冇嘢,大家再合作都唔會尷尬,可能佢容易面紅,搞到我哋好似有啲嘢咁。其實我唔會為避緋聞影響工作,好似今次同家樂要有拍檔嘅默契,就會照樣同佢熟絡,避忌會睇情況囉!」

其他文章
如個人音樂回顧展 蘇永康首個中樂伴奏演唱會

蘇永康(阿公)將於6月21日及22日假紅館舉行「All That Jazz (&Pop...

hd