首頁 日報娛樂

運動Look行街 鄭文雅孭住袋橙去買衫

26/04/2019
■去完超市買橙,鄭文雅用環保袋裝住袋橙去行街。
■去完超市買橙,鄭文雅用環保袋裝住袋橙去行街。 (1/8)

  鄭文雅,1979年香港小姐冠軍兼最上鏡小姐,後生一輩可能唔識,唔怪你,好多後生連Call機都未見過。咁介紹返,1986年佢擔任《花花公子》中文版創刊號封面,同時出版半裸《鄭文雅寫真集》,創知名女星拍攝裸體寫真集嘅先河。話咁快鄭小姐下年就60歲,但貴為職業高球手,做開運動身形好Fit,之前見佢以一身運動Look行街,去超市買橙又去睇衫,睇嘅都係運動衫。採訪︰梁志明

  鄭文雅係職業高球手,經常以高球大使身份出席活動,一直致力推廣高球,13年就曾接受電台訪問,她批評粉嶺高爾夫球場無盡社會責任推廣高球,處理北區學校練球申請時亦態度消極,加上非會員入場費偏高,一般市民無力負擔,肯為小市民發聲,非常好。

素顏仍精神

  日前下午,一身輕便運動Look,戴上sun visor的鄭文雅喺銅鑼灣行街,雖然零妝,但鄭文雅唔介意真面目示人,口罩都無戴,輕輕鬆鬆行超市買橙,再拎住啲橙去行商場睇衫,見佢只對商場內嘅運動用品店有興趣,入完一間又一間,佢眼中只有運動衫或外套,揀咗一陣無入手就離開,然後再去生活用品店買有機染髮劑,無乜點揀就畀錢,明顯係用家。

其他文章
如個人音樂回顧展 蘇永康首個中樂伴奏演唱會

蘇永康(阿公)將於6月21日及22日假紅館舉行「All That Jazz (&Pop...

hd