首頁 日報娛樂

感激伯樂提攜拍《鐵探》 蔣祖曼泰臣開心有發揮

26/04/2019
■同門的Joman和泰臣原來拍劇以來好少同彭,他們希望下次有機會演對手戲,仲話最好預埋同公司的周俊偉一齊拍。
■同門的Joman和泰臣原來拍劇以來好少同彭,他們希望下次有機會演對手戲,仲話最好預埋同公司的周俊偉一齊拍。(1/10)

        蔣祖曼(Joman)和泰臣都有份參與劇集《鐵探》演出,Joman演的越南幫卧底「Iris」,以及泰臣扮的販毒集團頭目「孝哥」,同樣相當搶鏡。其實兩人並非TVB親生仔女,但接連拍過不少TVB劇,他們好感激《鐵探》執行監製蘇嘉敏這伯樂提攜,更將兩人的特質盡量發揮,譬如Joman可以演「雌雄同體」角色,而泰臣其實唔使搞笑一樣掂。

        Joman早在港視時,已開始跟蘇嘉敏合作《警界線》,《鐵探》已是第5度合作,蘇嘉敏謂Joman有種特質是其他女演員少見,「我第一次見佢係做舞台劇攝影時,嗰時已經覺得佢好特別,佢好似雌雄同體咁,佢唔係超級靚女,但好有吸引力,又會有啲男性特質喺度。」

展現女性化

  至於泰臣這個演藝學院師弟,蘇嘉敏早已睇好他不限於演喜劇,「佢演藝出身當然唔會淨係識搞笑,嗰次《使徒行者2》跨國洗黑錢集團首腦『King』一樣演得好好。」

  對於被蘇嘉敏力讚,Joman好開心有人欣賞,而且今次在《鐵探》角色亦有突破,「其實 Carman(蘇嘉敏)每次搵我演嘅角色都好有發揮,好似今次『Iris』同楊潮凱及梁競徽(烈唯)都有感情戲,呢個三角關係有真愛亦有卧底攞料成份係幾特別,同埋今次好難得唔再係咁男性化,會染粉紅色頭髮同埋着啲性感衫,希望觀眾會接受到我咁女性化嘅一面啦!」

想同周俊偉合作

        至於泰臣就坦承當初《使徒2》演「King」也有擔心,「觀眾睇開我搞笑,突然做黑社會頭目唔知大家接唔接受到嘛!好彩有 Carman同監製蘇萬聰佢哋畀咗信心我,所以今次《鐵探》再演「孝哥」更好玩,特別係有機會畀我開槍,仲要係連還開嗰種,真係好過癮㗎!」蘇嘉敏又謂有機會好想再跟Joman和泰臣同公司的周俊偉合作,「嗰時《警界線》可能行得太前同埋播出平台關係,希望再同周俊偉合作會有更好成績。」周俊偉亦說:「其實o依家大家睇劇習慣都唔同晒,都好期待再拍電視劇。」

採訪:杜淑霞 服裝:Cynthia & Xiao(蔣祖曼)

髮型:Haffman Cheng(蔣祖曼+泰臣)

化妝:Jess Yung(蔣祖曼+泰臣)

場地:The AIR(The ONE)

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd