首頁 日報娛樂

同鄧萃雯陳錦鴻合作 談善言:似上戲劇進修班

26/04/2019
■阿談坦承對住兩位前輩做戲雖然壓力大,但反而成為自己演得更好的推動力。
■阿談坦承對住兩位前輩做戲雖然壓力大,但反而成為自己演得更好的推動力。 (1/6)

  談善言最近在ViuTV新劇《婚內情》,首度跟鄧萃雯和陳錦鴻合作,她最初獲試鏡機會已勁開心,最終可飾演周旋於兩人之間角色,超多對手戲令她更加興奮。阿談形容跟兩位前輩合作,好似讀了個仲有錢收的戲劇進修班一樣, 「Miss」以分享經驗為主,而「阿Sir」則重理論,整個拍攝過程絕對是賺晒。採訪:杜淑霞

髮型:Larry Ho @ IL COLPO 化妝:German Cheung 服裝:SPORTMAX CODE

  阿談最初得悉獲邀試鏡已好開心,「嘩!隨時有機會同鄧萃雯、陳錦鴻合作喎!雖然當時都會諗,會唔會係ViuTV嘅藝人優先,估唔到最終自己有機會拍,真係好開心,呢個真係好難得嘅機會嚟,仲要個角色算係佢哋之間嘅第四者。」

被追問性取向

  劇中阿談演的插畫師「許或然」既神秘又大膽,周旋於陳錦鴻和鄧萃雯演的夫妻之間,拍攝時當然跟兩個前輩有不少對手戲,大讚兩人完全冇架子,仲不停過料教嘢,「未見佢哋之前會有小小緊張,但見面後佢哋好親切,雯女個人比較感性,多數係分享經驗,錦鴻就比較理性,會教我分析嘢,所以拍攝時真係好似上緊戲劇進修班一樣,有錢收仲不停有嘢學,真係賺晒㗎!」講到演第四者,阿談坦言接受唔到多個兩個人的愛情,莫講是「小四」,連當「小三」都不敢,不過她笑言反而大家更好奇她的性取向,「好多人問過我鍾意男定女,可能我之前演過同性戀角色,平時啲打扮又比較中性,但我係鍾意男仔嘅。」

其他文章
如個人音樂回顧展 蘇永康首個中樂伴奏演唱會

蘇永康(阿公)將於6月21日及22日假紅館舉行「All That Jazz (&Pop...

hd