首頁 日報娛樂

兩母女黑面分開行 楊恭如懶理阿媽 獨自揀鞋

26/04/2019
■戴帽楊恭如撐傘行頭,由得母親死跟。
■戴帽楊恭如撐傘行頭,由得母親死跟。 (1/8)

  o依家長駐內地發展嘅45歲楊恭如,耐唔耐就同母親返港去名店Shopping。日前下午,恭如兩母女又現身銅鑼灣街頭,仲襯晒衫咁同以黑白色母女裝現身,平日愛做連體嬰嘅佢哋母慈女孝,但當日二人就面燶燶,又行到離行離列,擺到明面左左鬧完交啦!採訪 ︰ 梁志明

  楊恭如95年奪亞姐冠軍後,廿幾年嚟被喻為「亞姐中的亞姐」,但女神因緋聞所累,早年遠走內地搵人仔。雖傳過吓同內地藝人鄭國霖因拍《香木虎》而撻着,但緋聞其後又不了了之。皆因咁多年嚟,楊媽媽都好似強力超能膠咁黐實阿女,搞到索囡囡無仔敢埋身,每次都係恭如兩母女二人行囉。

當阿媽透明

  日前下午3時,戴帽、披上名牌披肩嘅楊恭如就算落雨天,都把握時間出外shopping。陪媽咪入連鎖店買咗袋藥和個人護理產品後,就去時代廣場主攻買鞋。沿途二人都前後腳分開行,全無交流。見恭如當阿媽透明,連行兩名店時,獨自enjoy揀鞋、試鞋等,懶理阿媽自己坐埋一邊慢慢等。最後,恭如喺地下嘅名店睇中一對銀色高跟晚裝鞋,試啱後即碌卡找數。離去時,恭如仲未嬲完,自己快步撐傘行頭,由得母親跟尾,各有各行。

其他文章
如個人音樂回顧展 蘇永康首個中樂伴奏演唱會

蘇永康(阿公)將於6月21日及22日假紅館舉行「All That Jazz (&Pop...

hd