首頁 日報娛樂

EQ高人妻兩度原諒出軌夫 伍詠薇孖老公恩愛睇護膚品

26/04/2019
■短髮伍姑娘淡妝戴口罩與老公、女助手行銅鑼灣,無收穫就行返七人車走人。
■短髮伍姑娘淡妝戴口罩與老公、女助手行銅鑼灣,無收穫就行返七人車走人。 (1/7)

  近日城中熱話,一定離唔開「安心偷食」啦!曾經被背叛嘅伍詠薇,更曾兩次原諒丈夫練海棠出軌,其後兩夫婦回復恩愛。日前下午,踏入半百之齡嘅伍姑娘,淡妝戴口罩與老公、女助手行銅鑼灣睇護膚品。見其夫不時搭住愛妻膊頭做連體嬰,又會細心陪伴shopping放閃,痛過愛過先最懂得珍惜呀!        採訪 : 李權威

  美魔女伍詠薇,99年同拍拖8個月嘅練海棠閃婚,婚後enjoy二人世界,點知模範人夫被揭2010年及16年「偷食」,其中第二次被拍得與34D長髮女於車廂密會兩小時,事後伍姑娘獨自面對傳媒,更代夫道歉:「打200大板就梗㗎喇!作為太太係要檢討吓。」

  近年約一年一劇嘅伍姑娘,早前拍攝林保怡首任監製嘅ViuTV愛情劇《歎息橋》後,近日又休息嘞,日前下午,見伍姑娘同老公拍拖行銅鑼灣過日辰。當日,伍姑娘戴上口罩帶老公行時代廣場睇護膚品,沿途練海棠都搭住愛妻膊頭,好鬼sweet。又係嘅,經歷過風風雨雨嘅兩公婆今年7月1日將攜手慶祝結婚廿周年,近年更珍惜對方,月前拍拖遊日本十日後,日前又齊齊去學整香水,秤不離陀,感情升溫。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd