首頁 日報娛樂

炎夏福利 最大方老闆娘 何超蓮晒靚髀吸客

26/04/2019
熱褲招客
■27歲嘅超蓮好緊張間舖,有好多大計,最重要係佢超大方,熱褲吸客呢招相當有用。
熱褲招客 ■27歲嘅超蓮好緊張間舖,有好多大計,最重要係佢超大方,熱褲吸客呢招相當有用。(1/7)

        有「最索千金」美譽的賭王三房千金何超蓮,佢檔自家台灣牛肉麵唔經唔覺開業一周年,靚靚老闆娘話下半年會在九龍區開一間分店。日前晚上,紮咗個髻,穿型格爛牛仔hot pant,露出一對白滑靚髀嘅超蓮牛肉麵舖事事親力親為,招呼朋友食牛肉麵之餘,亦不時在舖內行嚟行去,店外輕易望到超蓮坐鎮,吸客好方法。

超蓮呢排應該好開心,除咗麵店開業一周年外,又做咗姑媽,孖生細佬猷啟個女Tittania都已經一歲,因為猷啟公開做咗老竇,替佢保守秘密成年嘅超蓮終於可以出聲,一講起小侄女就停唔到,「我哋都一直希望低調,希望侄女可以喺安靜環境長大,佢好可愛,白雪雪、鼻高眼大、手長腳長,我爸媽都高,細佬同我都係孖生,唔知點解我會矮啲?姪女細個都幾似我,o依家又好似唔太似。」

老闆娘好落力

  超蓮得27歲,單身咗一段時間嘅佢話唔急拍拖,擇偶條件亦好簡單,「性格要好、孝順、善良,最特別係手指要靚,最怕男仔有咬手指習慣。」符合上述要求嘅男仕,麵鋪係銅鑼灣㗎咋,同埋,超蓮經常喺鋪坐鎮。

超蓮的表情包

  日前晚上,着白Tee加型格爛牛仔hot pant嘅超蓮現身銅鑼灣廣場附近,見佢獨自上咗一幢大廈,十多分鐘後同兩女友人落樓,再行十多分鐘到牛肉麵店,招呼朋友坐低後,超蓮就幫手落Order,無幾耐再有一位朋友加入,三客人一老闆坐埋又食又傾成粒鐘。四女吹水團傾得好投契,本來紮髻嘅超蓮講到興奮時勁多表情,又突然拆走個髻,然後係咁笑非常開心,見佢同朋友聯誼時都不時行出行入,雖然當日天氣唔算太熱,但現場氣溫應該幾高,因為着熱褲嘅超蓮實在好Hot。

採訪:梁志明、李維隆

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd