首頁 日報娛樂

加拿大拍福音電影 黃智賢趁機一日速遊兩景

10/05/2019
■Ben大讚Rocky Mountains名不虛傳,積滿雪一樣靚。
■Ben大讚Rocky Mountains名不虛傳,積滿雪一樣靚。 (1/7)

  黃智賢(Ben)早前為福音電影《愛Plan B》到加拿大Calgary拍攝,同戲仲有舊拍檔江美儀和張彥博一齊演出。由於今次是Ben首到Calgary,於是帶埋太太同行幫手做超級助手之餘,兩口子還趁返港前,用一日時間包車速遊Lake Louise和Banff睇兩大靚景,由於風景太靚,他已計劃有時間要再去深度遊。撰文:杜淑霞

  由於2017年劇集《親親我好媽》Ben和美儀飾演的「嚴生」和「嚴太」深入民心,今次電影再搵他們演夫妻,仲有張彥博和當地DJ演的一對子女,不過角色同之前劇集好唔同,「我哋個故事係真人真事改編,我哋演將近退休嘅夫妻李生李太,可惜計劃好晒退休生活,但李太個腦出現咗問題,連治理能力都受影響,好彩經過李生近一年嘅悉心照料,李太健康回復返七八成,係個好感人嘅故事,第一日拍我太太同工作人員都睇到眼濕濕㗎!」

等夏天再去玩

  電影全程在Calgary拍攝,Ben大讚當地好靚,「雖然又凍又落雪,但好多時有藍天同陽光,風景真係好靚,加上同美儀好熟,大家有默契拍得好順利。」連拍12日後,Ben趁回港前一天,同太太齊齊去玩,「我哋包咗架車一日,去咗Lake Louise同Banff兩個地方,Lake Louise主要就係參觀路易斯湖,雖然結咗冰,但係依然好靚好莊觀;而Banff就上咗Rocky Mountains ,雖然積滿雪一樣好靚,可惜今次天氣真係太凍,平均零下10至20度,都想下次等夏天再去過,應該啲景會好唔同,又會有另一種靚法。」

其他文章
如個人音樂回顧展 蘇永康首個中樂伴奏演唱會

蘇永康(阿公)將於6月21日及22日假紅館舉行「All That Jazz (&Pop...

hd