首頁 日報娛樂

拍爆破林超賢親試位 陳家樂讚導演令士氣高

10/05/2019
■林超賢導演帶領陳家樂和王彥霖,即時救援隊上身,Man爆。
■林超賢導演帶領陳家樂和王彥霖,即時救援隊上身,Man爆。 (1/7)

  導演林超賢新作《緊急救援》早前完成內地拍攝戲份後,已轉到墨西哥繼續拍攝。早前林超賢聯同陳家樂及內地演員王彥霖趁空檔,齊齊同本報暢談拍攝感受。林導坦言這戲同《紅海行動》各有困難,這次難拍在搜救行動要有真實感;而家樂又大讚導演好搏命,他拍攝爆破場面前,導演更親自試位,令團隊士氣更高。 撰文:杜淑霞 攝影:李維隆 場地:港島海逸君綽酒店

  繼拍罷《紅海行動》大型軍事片後,林超賢謂今次拍《緊急救援》又再挑戰新難度,「其實各有各難,上次最大難度係沙漠環境,今次就係要拍出搜救行動嘅真實感,但實際會有好多限制,譬如想直升機飛到幾高去拍,但技術上未必做到,仲要顧及真實感,真係唔容易。」

墨西哥開機有難度

  不過,林導估計去到墨西哥應該會遇到更多困難,「我哋落水戲,大部份去到墨西哥拍,我哋借用咗拍《鐵達尼號》嗰個地方拍。」王彥霖爆料,「聽工作人員講單是運送器材都有幾十個櫃。」林導再補充,「到時要用當地工作人員,相信單係食飯都成千人,使費都唔平,而且當地工作人員啲工時有好多限制,拍攝時間唔可以太長,可以想像會遇到好多難題。」

  家樂繼《破風》後再跟林導合作,他坦承有晒心理準備唔擔心再受傷,「上次係自己未夠專注,加上高估咗自己能力,先至會炒車受傷,今次我準備得更充足,況且導演好搏命,好似之前我有場爆破戲,導演竟然親自幫我試位,令我拍得好放心,同埋佢嘅工作態度,會令到成個團隊士氣更高。」

其他文章
如個人音樂回顧展 蘇永康首個中樂伴奏演唱會

蘇永康(阿公)將於6月21日及22日假紅館舉行「All That Jazz (&Pop...

hd