首頁 日報娛樂

最Like駁腳厚底鞋 35歲李彩華0靚妹Look行街

10/05/2019
■着住吊帶褲好O靚妹,但隱約滲出貴氣嘅Rain好鍾意行名店。
■着住吊帶褲好O靚妹,但隱約滲出貴氣嘅Rain好鍾意行名店。 (1/7)

  今年2月,35歲嘅李彩華(Rain)閃嫁內地鋼鐵商人Eric Huang,正式成為黃太。老公有樣又有身家,講緊係億億聲,家族甚至擁有逾11億港元的四合院。而返內地發展多年嘅Rain早已有「娛圈小富婆」稱號,17年已擁有12個物業,家陣做咗闊太使錢更疏爽。日前下午,着住吊帶褲,着到好O靚妹嘅Rain同女友人喺ifc行名店,巡完一間又一間,最後喺Kenzo買咗對鮮黃色嘅超厚底涼鞋,一試即愛。 採訪︰張詠森

  Rain婚後拍了一套內地劇,對於成個月無見過老公,Rain話Ok,因為世上有視像,但Rain話有生B計劃,視像就未先進到助佢懷孕,所以佢表示明年減產,全力造人:「暫時都冇時間造,不過就有計劃下一年,暫時享受吓,因為之前大家都各有各忙,想享受二人世界。」

對厚底鞋其實幾肉酸

  Rain好鍾意名牌,由頭到腳全部有牌子,仲要係頂級牌子。明白嘅,搵到剩到老公又有,唔買名牌啲錢都唔知點使好,所以,一得閒,Rain就去行名店,通常一個人,有時同朋友。日前晚上,就見到Rain同女友人又去ifc巡名店,用巡字無誇張,因為佢真係入完一間又一間,全部都有認真細睇,最後喺Kenzo終於睇啱心水,就係一對鮮黃色,非常厚底嘅涼鞋,Rain一見即叫店員拎啱Size畀佢試,一試即愛然後畀錢。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd