首頁 日報娛樂

靚佬Chok現街頭 王貽興一笑皺皮走晒樣

10/05/2019
■白面王貽興當日約咗朋友拎波鞋,順便high tea。
■白面王貽興當日約咗朋友拎波鞋,順便high tea。 (1/6)

  才子王貽興,近年來愛執導演筒,繼去年製作網劇《陽關道》反應好好,更被Netflix睇中,日前開拍ViuTV新劇《黑市》。日前下午,王貽興忙裏偷閒,約友人去銅鑼灣high tea。見佢化咗小小妝、塊面白雪雪,chok爆靚仔現身,不過話晒都40歲啦!開心笑時,即被中佬面容出賣,皺紋出晒嚟,靚仔樣即時跌watt。

採訪 : 梁志明

  王貽興當年以23歲之齡奪得中文文學雙年獎,03年入無線擔任主持,前年,佢同友人開咗間製作公司,無乜時間寫作,轉而愛上拍劇。早前,佢和近日受「安心事件」所累嘅商台主持兼名攝影師劉翁為ViuTV拍《VR驅魔人》,去年兩人再攜手拍馬來西亞投資嘅懸疑劇《陽關道》,搵嚟詹瑞文、陳國邦、艾威和江若琳等演出,去年尾被Netflix睇中上架。

  近日,王貽興和劉翁三度合作,導演ViuTV新劇《黑市》。日前下午,佢唔使開工,就約男友人去銅鑼灣歎咖啡。見戴黑超嘅佢企喺街邊等朋友,塊面白雪雪,chok樣幾似韓國oppa幾靚仔嘅。之後,男友人拎住兩袋波鞋前來會合,二人去附近cafe坐低吹水。友人打開潮波鞋欣賞,王貽興難掩興奮之情,笑到啲皺紋出晒嚟。兩人傾足個半鐘才離開,見王貽興挽住自己袋波鞋,大滿足咁笑笑口走人。

其他文章
如個人音樂回顧展 蘇永康首個中樂伴奏演唱會

蘇永康(阿公)將於6月21日及22日假紅館舉行「All That Jazz (&Pop...

hd