首頁 日報娛樂

超市急買Tonic Water 51歲吳婉芳真係好可愛

10/05/2019
■吳婉芳直接拎住六罐Tonic行上車。
■吳婉芳直接拎住六罐Tonic行上車。 (1/7)

  前年,86年港姐亞軍吳婉芳的老公胡家驊於睡夢中離世,令吳婉芳大受打擊,自此深居簡出,都話時間係療傷嘅最好良藥,今年初已見吳婉芳去睇契哥張學友的演唱會,逐漸走出喪夫的傷痛。日前晚上,芳齡51歲但睇落似31歲嘅吳婉芳由司機接載去超市買Tonic Water,買完即走,步速好趕急,睇嚟非常急用。 採訪:李權威、張詠森

  日前,吳婉芳家族嘅一級馬「喜蓮彩星」大熱捧盃,吳婉芳當晚無現身,由在倫敦大學經濟系一級榮譽畢業,又在英國修讀碩士,屬新一代城中筍盤的大仔胡智略(Caspar)代媽媽領獎及拉頭馬。

可愛熟女

  雖然已51歲,但歲月痕跡喺吳婉芳身上完全唔覺眼,最重要無膠味,完全係天然美魔女。之前有網站搞咗個《50路美魔女大選》,由網友從28人中選出10位本港現年50歲或以上,但依然美貌十足的美魔女,此帖一出即引起網民們熱烈討論。結果由吳婉芳奪得第一名,第二名則是50歲的邱淑貞。

  日前晚上,冠軍美魔女由司機接載去跑馬地嘅超市買嘢,見佢一入店就直接去汽水區拎一Pack六罐嘅Tonic Water,然後就去畀錢,買完即行返上車,頭髮及肩,着住紅唇外套的吳婉芳真係好鬼後生,橫睇豎睇真係似30出頭,行路步速輕快,彈彈吓嘅佢好可愛。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd