首頁 日報娛樂

助陣新舖做生招牌 徐濠縈招呼好友幫手湊仔

10/05/2019
■徐濠縈呢日約咗好友細So老婆Wing在新店見面。
■徐濠縈呢日約咗好友細So老婆Wing在新店見面。 (1/7)

  徐濠縈去年因為市道唔好,加上14歲囡囡康堤快將出國留學,阿徐遂將十年心血、銅鑼灣潮店忍痛「摺埋」。不過事隔半年,佢竟在舊址東山再起,重新裝修開fashion cafe。日前下午,一身pink lady打扮嘅老闆娘喺新舖做生招牌,未幾見DJ細So(蘇耀宗)老婆阿Wing一拖二去潮店搵阿徐。見阿徐招呼好友之餘仲幫手湊仔,母愛氾濫呀! 採訪 : 梁志明

  阿徐早前表示會陪女兒到外地讀書,加上「生意上遇到啲困難,好想唞一唞氣」,就結束潮店生意。其後唔知係咪因傳出囡囡拍拖消息,月前陳太出席活動時又話唔使陪個女放洋,愛女會留喺香港繼續升學,咁Eason嫂有大把時間,月前再接再厲,將時裝與咖啡店合拼,喺潮舖舊址一邊賣衫,一邊賣咖啡啦!

  日前下午4時,見阿徐全身粉紅色tone現身新店打點,未幾紮上孖辮仔嘅細So老婆Wing(陳穎楠)帶兩名兒子和女友人前來探好友。老闆娘見到好友嘅一對5歲半及兩歲半兒子穿同款衫好得意,就笑笑口上前打招呼,然後請食雪糕。小朋友有得食,勁開心,話咁快同阿徐玩埋一份,影吓相又有講有笑,阿徐湊仔功力都無退步㗎!兩個小朋友喺舖頭跑嚟跑去,人妻就坐低吹吓水。大半小時後,Wing拖仔離開,之後Eason嫂又睇睇錶似有下場,拎手袋走人。

其他文章
如個人音樂回顧展 蘇永康首個中樂伴奏演唱會

蘇永康(阿公)將於6月21日及22日假紅館舉行「All That Jazz (&Pop...

hd