首頁 日報娛樂

港版Iron Man又做外賣仔 Eric Kwok買Dinner餵老婆

10/05/2019
■Eric買咗兩大袋外賣,估計有湯飯或湯麵。
■Eric買咗兩大袋外賣,估計有湯飯或湯麵。 (1/6)

  因為個樣生得似羅拔唐尼而有港版Iron Man之稱嘅郭偉亮(Eric)同老婆葉佩雯(Grace),由拍拖到結婚一齊24年,兩人唔生小朋友主力湊狗,同埋係無飯夫婦,經常見到男方喺跑馬地或銅鑼灣買外賣返歸。日前晚上七點,鐵甲先生又去老銅買外賣,兩大袋份量明顯買嚟同老婆撐枱腳。採訪︰梁志明

  Eric外國大,鬼仔思想咩都唔怕講,早年坦言同老婆並非大家所見咁模範夫婦,更自爆曾經兩度面對婚姻破裂,幾乎離婚,Eric Kwok透露曾經背着老婆出軌:「應該話我做咗啲係男人都想做嘅嘢!」之後葉佩雯更向Eric Kwok報復學老公偷食,最後兩人發現仍然深愛對方,決定互相原諒,從新開始。

唔好畀人見到食煙

  事情過咗一段長時間,Eric表示:「係人都會做錯事,但不會再犯!」做錯事最緊要肯改,郭氏夫婦經歷大風浪後感情愈嚟愈好,隔幾個月就去旅行,羨慕死人。當晚七點,着到好 casual,孭住個小販款斜孭袋嘅Eric現身老銅,見佢入咗一間冰室買外賣,然後喺店外等,等候期間佢有講電話有周圍望仲匿埋喺暗位食煙,等咗半個鐘再拎住兩大袋外賣行去利園停車場駕車離開。

其他文章
如個人音樂回顧展 蘇永康首個中樂伴奏演唱會

蘇永康(阿公)將於6月21日及22日假紅館舉行「All That Jazz (&Pop...

hd