首頁 日報娛樂

長留北京香港人氣低 傅穎行鬧市無乜人望

10/05/2019
■其實Theresa都仲好有星味,可能離港太耐,所以無乜人記得佢。
■其實Theresa都仲好有星味,可能離港太耐,所以無乜人記得佢。(1/8)

        入行17年,5年前往內地發展的傅穎(Theresa)長居北京,偶然先返香港,離鄉別井咁耐, 喺內地搵咗唔少錢嘅Theresa話今年會多留香港。日前就見到佢戴住黑超,一身牛仔look現身銅鑼灣利園H字頭名店買禮物,買完就行返去大坑寓所,沿途同幾十人擦肩而過,只有一個女仔回頭望一望佢。

        在內地發展五年,34歲嘅Theresa拍咗九套劇、七套戲,成績相當唔錯,搵到錢送禮亦相當疏爽。當日下晝五點,見Theresa喺名店揀禮物,對小飾物或小皮夾最有興趣,絲巾亦睇咗好耐,留低半個鐘,見佢買咗三份大小相約嘅物件,似送禮。

自己行街心情好好

  因為銅鑼灣同Theresa嘅大坑寓所好近,所以Theresa買完唔搭的士,選擇步行返歸,沿途一直有好多人行過佢身邊,但都無人留意到佢,行到半路遇見海俊傑,兩人傾咗幾分鐘再合照, Theresa曾經喺海俊傑婚禮幫佢老婆做伴娘,所以,兩人應該幾老友。見完老友嘅Theresa心情好好,收發短訊都好好笑容,其實自己一個行街都可以好開心。

採訪:梁志明

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd