首頁 日報娛樂

360度零死角人妻 開心吹水 44歲雪兒反自然定律無皺紋

10/05/2019
凍齡教主
■40有4嘅雪兒輪廓標致,就算婚後都保養得宜,滑溜皮膚似足少女。
凍齡教主 ■40有4嘅雪兒輪廓標致,就算婚後都保養得宜,滑溜皮膚似足少女。(1/9)

        那些年短髮女神雪兒(Michelle Saram、原名鄭雪兒),前年復出拍戲,「360度零死角」靚樣依然好省鏡。日前,即將拍攝電影版《尋秦記》嘅雪兒,一連兩日仙氣現身銅鑼灣和中環Shopping。44歲人妻長年食素,身材得天獨「瘦」,見佢笑晒口吹水時逆轉肌齡,點笑都零紋無皺,同廿年前一樣㗎!

        中印混血兒雪兒,10年嫁入豪門,婚後跟GHM酒店集團太子爺Ajai定居新加坡。Michelle除咗做跟得夫人,陪老公四出公幹外,亦要照顧老公同前妻嘅一對子女,直至子女年前在美國讀大學,幸福少奶才返港過戲癮,前年「出山」客串電影《殺破狼.貪狼》,之後又參與邵氏網劇《飛虎之潛行極戰》正式復出。

  正期待360度零死角人妻雪兒跟古仔今年拍電影版《尋秦記》「再續情緣」時,日前Michelle一連兩日閃現港島區。其中一日下午7時,見淡妝Michelle頭架黑超,一身casual wear現身中環ifc的超市買餸。食素多年的人妻專攻有機生果,揀咗幾包有機橙和蘋果外,再買咗盒西蘭花乾果沙律醫肚。放晒入環保袋後,keep住仙氣甜笑的Michelle又熟路行落港鐵站嘅涼果店買nuts、乾果等,買完零食才搭的士走人。

  隔咗一周,外貌同仙氣行超市時差一截嘅Michelle轉戰銅鑼灣,見佢和女友人在時代廣場門口等車時開心吹水。見Michelle風騷傾偈時雙眼笑到一條線,無論點樣大動作吹水都好,Michelle充滿光澤嘅靚皮膚都違反自然定律,唔見有皺紋,加上表情生硬,感覺怪怪。而平日身材好fit嘅佢似乎又減磅,睇落好奀,搞到雙手激瘦,激現「樹根手」。

採訪 : 張詠森、梁志明

其他文章
如個人音樂回顧展 蘇永康首個中樂伴奏演唱會

蘇永康(阿公)將於6月21日及22日假紅館舉行「All That Jazz (&Pop...

hd