首頁 日報娛樂

淡出娛圈 轉戰教健康運動 肥谷女友林子萱頸部離奇腫脹

10/05/2019
■無化妝嘅林子萱日前現身銅鑼灣,外貌keep得好好,只係頸部腫脹。
■無化妝嘅林子萱日前現身銅鑼灣,外貌keep得好好,只係頸部腫脹。 (1/4)

        淡出娛圈多年嘅谷德昭女友林子萱(Kiki),近年轉型做健康大使,成為動感社區創作總監,致力宣揚運動風氣。成身充滿正能量嘅Kiki,日前一個人素顏到銅鑼灣shopping,睇吓按摩器又行手機零件舖,最終無收穫離開。見Kiki多年嚟身材無走樣,但頸部離奇腫脹,健康令人擔憂!

林子萱早年取得瑜伽導師資格,唔止教大人,仲會教埋小朋友。依家做咗動感社區創作總監嘅佢不時落區教親子瑜伽,又會編健康操,化身活力大使。

  日前下午,零妝Kiki獨自行銅鑼灣,黑色連身裙配波鞋,身材好fit,皮膚都唔錯,見佢頸部離奇腫脹,似係甲狀腺出問題,不禁令人望多兩眼,但當事人若無其事,無用長髮遮遮掩掩,坦蕩蕩行街,勇氣可加。記者致電Kiki慰問,佢強調好小事,避談何時及患上何種病,但就非常樂觀回應說:「無大病呀!只係賀爾蒙fluctuate(波動),好多女人都有㗎,好似濕疹咁難斷尾啫!不過有啲人會肥、有啲人會頸脹囉!親友好多人都知,有時做嘢或訪問影相,其他人睇到都唔會問,啲攝影師仲會錫住我,唔會出頸腫相。(男友谷德昭會擔心?)哈哈,o依家我100%健康呀!無嘢擔心喎!而我一直有check住,呢幾年唔使出鏡,我又唔介意外觀,所以OK㗎,多謝關心。」而男友谷德昭在截稿前則未有回覆。

  就Kiki嘅情況,本刊向家庭醫生關嘉美查詢,關醫生一睇相就知甲狀腺有問題,單睇相似係「甲狀舌管囊腫」,她說:「呢個病是甲狀腺出問題,病者吞口水時腫塊會跟住郁。睇Kiki神態自若,無暴肥暴瘦又無眼凸等,似係個良性組織,只要賀爾蒙水平正常,可以定期觀察住先。發現有腫脹時可以照超聲波、抽血驗甲狀腺素,同埋可以抽活組織化驗。」

採訪 : 梁志明

其他文章
如個人音樂回顧展 蘇永康首個中樂伴奏演唱會

蘇永康(阿公)將於6月21日及22日假紅館舉行「All That Jazz (&Pop...

hd