首頁 日報娛樂

遺傳凍齡母親 顏值超班 美魔Chilam護靚媽溫馨行街

11/05/2019
■黑超張智霖唔介意被途人認出,一直陪伴母親等取手機。
■黑超張智霖唔介意被途人認出,一直陪伴母親等取手機。(1/7)

        嚟緊周日(12日)就係母親節嘞!娛圈滿分乖仔Chilam(張智霖)已身體力行、提早同餅印媽咪曹珍妮慶祝啦!日前下午,黑超Chilam陪金毛靚媽行中環ifc,凍齡兩母子有講有笑,全無代溝。最後,當張媽媽發現有記者時即怕羞耷頭,Chilam馬上化身保鏢,快閃為媽咪擋鏡,溫馨護母又好Man呀!

        天生童顏嘅張智霖,現年四十有七,但依然皮光肉滑,加上招牌酒窩,一笑真係迷死人。Chilam顏值屬頂級,完全係遺傳自其母親嘅靚樣。有指Chilam外公係中德混血兒,張媽媽亦是混血一族,後生時眼大鼻高鬼咁索,係1962年香港工展小姐冠軍。前年7月,Chilam表姊上山詩鈉po咗幅張媽媽70大壽照片,唔少網民大讚金毛張媽媽驚艷,仲話凍齡男神Chilam遺傳咗「凍齡防腐」基因。

  日前下午2時許,努力搣甩似「哆啦A夢」污名嘅Chilam,減咗磅回復返少少model身形現身ifc,同行還有其餅印母親曹珍妮。咪睇張媽媽就快72歲,心境衣着都好young,紫色反領top、白色波鞋配名牌手袋,仲化咗個靚妝同星味兒子行孖咇。凍齡母子去咗連鎖店嘅維修部,見Chilam拎單畀店員,未幾店員將一部似係維修好嘅手機交畀美魔男check,阿仔睇完再交畀母親,原來專登陪張媽媽嚟攞機。其後,二人再行逛一輪睇新款手機,逗留15分鐘才離開。兩母子沿途有講有笑好溫馨,及至發現有記者,Chilam例牌微笑揮手say hi,但張母就被嚇親,怕羞耷頭縮後。乖仔見狀即企喺媽咪前面做人肉擋箭牌,man爆護母行動,張媽媽甜入呀!

採訪 : 李維隆

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd