首頁 日報娛樂

瘋狂出汗喪抹頭 志雄哥出街帶幾條毛巾

14/05/2019
■志雄哥戴住頂帽,帽下再要包條毛巾,怕汗會浸濕頂帽。
■志雄哥戴住頂帽,帽下再要包條毛巾,怕汗會浸濕頂帽。 (1/6)

  志雄哥又名大佬B,今年60有5,中氣十足非常壯健,久唔久都會拍吓戲,仲喺內地開咗超過6間餐廳,佢話唔係想搞咩飲食王國,純粹開嚟招呼朋友,生意仔啫,好有型啊。日前下午,大佬B同老婆去銅鑼灣飲下午茶,當日算熱但未算好熱,但大佬B食完茶餐都仲係成頭汗,要不斷用毛巾抹頭,抹完頭再換毛巾抹頸,水人咁樣。 採訪:梁志明

  見到大佬B,好自然會諗起古天樂,因為貴為新一代電影大亨嘅古生對大佬B非常有情有義。話說早年大佬B投資失利欠下巨債,身邊「兄弟」無人願意出手幫忙,只得古生主動幫手還債,大佬B說:「之後我還錢畀佢,佢都唔肯要,其實唔係我問佢借錢,係佢畀我,佢當時嚟咗我屋企樓下,搵我老婆,寫咗張50萬支票叫我老婆交畀我。」有情有義不妨一講再講。

有冷氣都狂流汗

  志雄哥近年鍾意玩吓微博,上載吓生活逸事,連微博名都由「大佬B吳志雄」改為「大佬B吳志雄開心快樂人」,睇得出志雄哥近年活得幾開心。當日下午四點,志雄哥夫婦約咗男友人喺茶餐廳食嘢,友人食完快閃,志雄哥夫婦坐多陣,見到志雄哥好忙,忙攞毛巾抹頭,又要叫老婆幫佢用電話拍片,搞完一輪就埋單,臨走前,志雄哥再拎第二條間條毛巾抹頸,睇得出佢相當大汗。

其他文章
如個人音樂回顧展 蘇永康首個中樂伴奏演唱會

蘇永康(阿公)將於6月21日及22日假紅館舉行「All That Jazz (&Pop...

hd