首頁 日報娛樂

曾暗戀似吳卓羲師兄 黃妍重才華冧盧廣仲

14/05/2019
■由於暗戀經驗太少,黃妍寫《小鹿撞樹記》時都要向朋友收集資料。
■由於暗戀經驗太少,黃妍寫《小鹿撞樹記》時都要向朋友收集資料。 (1/6)

  黃妍最近推出以暗戀為題新歌《小鹿撞樹記》,講到自己暗戀經歷,她只試過F.1時,暗戀貌似吳卓羲的師兄,她承認細個是外貌協會會員,不過自從迷上偶像周杰倫後,現在更重視才華,譬如盧廣仲一樣令她心跳加速。而4月4日生日的她,早前首度在台灣工作順道慶祝,可惜見偶像的生日願望未能達成。 採訪:杜淑霞 髮型:Hillnex (Alex’s team) 化妝:Frances (Jessica’s team) 場地:Redmr 紅人派對

  黃妍愛以創作配合季節,今次《小鹿撞樹記》就是覺得春天最適合講暗戀故事,「春天嘅天氣陰晴不定,就好似初戀感覺一樣,經常患得患失,心如鹿撞咁,所以就寫咗呢首以暗戀為題嘅歌,希望大家喺春天諗起自己嘅暗戀故事。」

  講到暗戀,原來黃妍只有一次經驗,「讀F.1時有個讀F.2嘅師兄好靚仔,好似吳卓羲,好多女同學都鍾意佢㗎!但係我嗰時帶住個大眼鏡好樣衰,冇乜自信,淨係敢經過佢課室偷偷望佢,連佢個名都唔知呀!後嚟F.2我轉咗校,都冇見過佢囉!反而去咗新學校,有個男同學成日跟住我放學,好似暗戀我呀!」

  不過黃妍話愈大愈重視才華,唔再做外貌協會會員,「鍾意咗周杰倫後,會留意男仔才華同內涵多啲,好似盧廣仲咁一樣好吸引,我上次喺香港風雲榜頒獎禮有機會同佢合照,都搞到面紅淨係識講『我好喜歡你!』」原來她早前去台灣工作撞正生日,都有要求工作人員達成她見偶像心願,可惜暫未成功。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd