首頁 日報娛樂

傳撻着英皇新男神 袁澧林有拖拍風騷擦日菜

15/05/2019
■蜜運中嘅袁澧林,當晚全女班飯局勁開心,不時大笑流露真性情。
■蜜運中嘅袁澧林,當晚全女班飯局勁開心,不時大笑流露真性情。 (1/7)

  25歲嘅「文青女神」袁澧林(Angela),去年同廣告公司老闆男友MK分手後,自稱無追求者兼成年無拍拖。直至日前傳出Angela與英皇力捧肌肉男神楊天宇秘撻,男神女神配,天生一對。日前晚上,Angela約咗班姊妹去銅鑼灣歎日本菜,席間見蜜運嘅佢相當風騷,心情好靚胃口大開,全晚笑唔停口呀! 採訪 : 梁志明

  清純外貌嘅袁澧林,去年被古天樂賞識,簽約為「天下一」旗下藝人。早前,Angela被周刊爆料指今年初已有新男友,對方正是現年24歲嘅英皇「小鮮肉」新人楊天宇,指兩人打排球撻着。美國西雅圖華盛頓大學經濟系畢業嘅楊天宇前年簽約英皇,6呎高又係運動健將,在近日播出嘅網絡劇集《PTU機動部隊》有得拍住師姐蔡卓妍和林峯合演,又有份參演兩齣重量級電影《神探大戰》和《怒火》。

  傳發展緊地下情嘅Angela,日前傍晚同女友人先行銅鑼灣名店,買咗袋戰利品後再join多兩個女友人去居酒屋歎日菜。有愛情滋潤嘅Angela化妝靚樣特別亮麗,而且心情勁靚。四女order壽司、串燒、壽喜鍋等,成枱美食,窈窕Angela由頭帶到尾,一邊笑一邊開心吹水,喺好友面前流露出大癲大肺真性情。逗留個半鐘後,四女夾錢埋單走人,最後Angela和女友人搭港鐵返家。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd