首頁 日報娛樂

一個月減十磅拍廣告 吳日言賺錢儲囡囡教育基金

17/05/2019
■吳日言早前拍廣告時,最大挑戰是與BB做對手戲。
■吳日言早前拍廣告時,最大挑戰是與BB做對手戲。 (1/7)

  吳日言(Yan)榮升媽媽半年,早前為媽媽而設的護膚品牌拍廣告。她表示在廣告中做番自己,一邊工作一邊要照顧家庭湊BB。廣告中阿Yan要與約半歲大的BB模特兒做對手戲,雖然BB最初都有點扭計,但佢湊B已上手,很快便o氹掂對方順利拍攝。而今次她開心表示穩袋6位數字酬勞,可作為女兒日後的讀書基金。 撰文:李佩儀

  此廣告講述Yan在工作之餘如何分配時間照顧家庭和湊BB,拍攝7小時共走了3個地點包括公司和屋企,她表示最大挑戰是要擺甫士和跟BB模特兒做對手戲,她解釋:「因為好耐冇拍廣告,所以要擺甫士時有啲唔慣;而且最初同BB一齊拍時,佢有啲扭計,好在我係一個熟手媽媽,好快就o氹掂佢,最後得以順利完成。」由於她生完BB後體形還未回復至產前狀態,為了上鏡靚啲,她拍攝前積極去跑步,約一個月就成功減了10磅,十分有滿足感。

籌備新店

  問到拍廣告酬勞滿意嗎?她笑言:「其實今次唔係賺奶粉錢,因為我係餵母乳,我本身就係奶粉,而係幫囡囡賺書簿費,因為讀書好貴呀!」至於湊B有甚麼心得?她笑言多跟BB傾偈和唱歌,均有助親子溝通和互動。提到今年大計,今年初開設飯糰便當店的她,開心表示6月會多開一間分店,現時忙於籌備新店的工作;如有時間她還想追多個BB,等囡囡有個伴,總之兩個夠晒數。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd