首頁 日報娛樂

同米原康正搞慈善相展 阮民安感激老婆拯救

17/05/2019
■Tommy話自己快到40歲,係時候定下來。
■Tommy話自己快到40歲,係時候定下來。 (1/6)

  組合E-Kids成員Tommy(阮民安)跟「原宿女神」Eva Cheung奉子成婚兩年多,兩年抱兩!現年39歲的Tommy唔止造人好進取,受叻老婆影響,喺事業上都搵到新方向,轉型做埋策劃人的他,頭炮搞咗個日本人氣攝影大師米原康正慈善攝影展,於5月25日至6月1日展出大師約四十件作品並作慈善售賣,15位「現代女主角」分別有梁芷珊、女騎師江碧慧、趙慧珊(Aka)、譚杏藍(小花)、同埋模特兒老婆仔Eva Cheung等。

採訪:方騫平 化妝:seese_makeup 場地:尖沙咀Page148酒店

  做咗人父及人夫,Tommy講嘢都叻咗,直言太太幫他長大,自從做咗太太經理人後變埋幕後策劃人,角色由被動變主動:「以前只識做幕前,當市道唔好,人氣唔夠時就好被動,好多嘢做唔到,啲人就認定你唔紅,爛醉、賭錢係因為有壓力,要逃避,好希望以自己嘅故事話畀人知,凡事係可以返到轉頭嘅,畀個機會人,畀個機會自己,唔好喺負面時沉咗落嚟。今次攝影展以現代女性力量做主題,好多女性努力建立自己世界,展現到魅力,希望帶出到要相信自己想法嘅訊息,好似我太太咁,佢用社交平台闖出一片天,佢叻過我,做得非常成功。」

米原提Angelababy尷尬

  Tommy好感激太太對他的付出,承諾會好好珍惜:「佢帶我走出谷底,冇理家人反對好信任我,尤其o依家唔係一個人,凡事要諗多一步。」另外,攝影大師米原康正10年前曾跟Angelababy及周秀娜合作過,問到當年跟Angelababy合作感覺,大師坦言當年對方名氣冇咁大,但覺得她好年輕、有才華及有氣質,能專業配合他要求。對於Angelababy被指五官再進化,米原睇完她的近照後尷尬大笑話:「same、 same!(即係10年後都冇靚咗?)只係大個咗。」他還推說好耐冇見過真人,睇唔出有乜變化。

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd