首頁 日報娛樂

的骰身形唔輸長腿女友人 王子涵識着衫晒髀仔搶鏡

17/05/2019
■王子涵(左)「衣Q」高,令原本5呎3吋高嘅佢睇落高兩吋。
■王子涵(左)「衣Q」高,令原本5呎3吋高嘅佢睇落高兩吋。 (1/7)

  29歲嘅王晶愛女王子涵(Dada),早前喺劇集《荷里活有個大老千》中成功上位,人氣、工作接踵而至,一洗「靠父蔭」冤氣。日前,子涵完成無線重頭劇《唐人街》拍攝後,約咗兩個圈外好姊妹行銅鑼灣。見Dada拍住個高妹女友人一齊行,一啲都唔輸蝕,皆因晶哥女「衣Q」高,短褲晒髀仔,勁養眼呀!        採訪 : 梁志明

  憑《荷里活》中丁小雨(鉢仔糕)一角彈起嘅Dada,早前再被安排拍重頭劇《唐人街》,同視帝視后陳展鵬、唐詩詠等好戲之人大鬥戲。

  日前傍晚,忙足三個月、拍晒新劇嘅Dada終於可以放假唞唞。見佢悉心打扮現身銅鑼灣鬧市,大圈耳環、白tee配高腰短牛仔褲,再加件長褸,令原本5呎3吋高嘅佢睇落拉高多兩吋,拍住身旁個高妹女友人一齊行,一啲都唔輸蝕。Dada先陪兩女友人去一商場買化妝品和睇衫。Shopping半小時後,三女行去鵝頸橋附近嘅一間食店歎招牌燒鵝奶粉,未幾一貌似任賢齊嘅男友人前來會合,先同高妹親密耳語,再坐喺Dada身旁開餐,似係高妹男友。Dada食得超開心,不時大笑,心情勁靚。最後,眾人上咗「翻版小齊」架車,一齊走人。

其他文章
天佑《尋常心》大膽演HeHe 梁祖堯感激秋生助陣 成夢幻組合

  舞台劇百花齊放,近年吸引唔少影帝影后級人馬踏上舞台親親戲迷。最近「風車草劇團」將美國得獎舞...

hd