首頁 日報娛樂

執黃心穎二灘做《牛下》女一 最強小花江嘉敏忍唔住笑

17/05/2019
一講即笑
■江嘉敏直言拍到《牛下》就開心死,收到劇本嘅佢仍未知拍攝檔期。
一講即笑 ■江嘉敏直言拍到《牛下》就開心死,收到劇本嘅佢仍未知拍攝檔期。(1/8)

        黃心穎因「安心事件」形象盡毀,敗走美國的她留下大堆「蘇州屎」,拍落的《法證先鋒IV》、《牛下女高音》等劇都要重拍,而《法證IV》已落實由湯洛雯取代黃心穎一角,至於《牛下》女一,有傳由24歲的江嘉敏(Kaman)撼贏陳瀅及麥明詩等,繼《兄弟》後再做女一,成為TVB最強小花。對頂替黃心穎做女角,Kaman話以平常心面對,但又忍唔住笑出嚟,更自爆:「開心死!」

30集時裝劇《牛下女高音》女主角是一名不修邊幅的宅女,亦是鍾景輝的孫女,戲份由頭帶到尾,好有戲做,是一眾TVB小花如劉佩玥、麥明詩及陳瀅等眼中嘅「肥豬肉」,江嘉敏偏偏得到監製黃偉聲垂青,除她外並無其他「執二攤」心水選擇,日前經已安排她試鏡及拎劇本。據知,唔少監製都好Like「清純女神」江嘉敏,她啱啱拍完陳維冠嘅《殺手》,揹住梁材遠的《大醬園》,日前又疊拍方駿釗的《降魔的2.0》,因為監製覺得她有少女味,氣質又ok,特別搵她客串,絕對是搶

手貨。

胡鴻鈞唔過電

  日前江嘉敏跟胡鴻鈞(Hubert)去到大埔汀角山寮路一間茶室為《降魔的2.0》拍外景,劇情講一個17歲失明少女,用心感受到孤獨鬼胡鴻鈞的存在,因而上演一段人鬼純真情未了。雖然戲份唔多,但江嘉敏依然落力演,戲外仲相當風騷,動作多多,一時托腮扮花,一時又撥弄頭髮,電力十足,但胡鴻鈞就完全唔過電,就算眼見江嘉敏被小蜜蜂纏住嚇親,仲要高聲哎呀哎呀咁叫,身旁嘅Hubert只係繞埋雙手,未有幫拖!Hubert解釋,「蜜蜂愈趕愈有攻擊性㗎。」

覺得心穎可惜

  對於首演失明人士,江嘉敏覺得好有挑戰,「角色好難演,因為要做到有初戀感覺,要含情脈脈chok住把聲嚟講嘢,所以冇嘔算係咁喇!望嘢又要好飄,朋友就估我係咪扮緊智障人士!」胡鴻鈞竟附和說:「佢本身係咁(智障),都係做返自己啫!不如話今次係我演技大考驗啦!我知佢本身好男仔頭,扮溫柔呃我唔到嘅。」對於頂替黃心穎做《牛下》女一,Kaman恨到出口:「做到先算啦,唔好口氹我開心,我會開心死。我係見過監製,抱住平常心面對,有就當新劇拍,否則就休息吓。」江嘉敏唔評論「安心事件」係咪間接幫到她上位,只說對黃心穎來講係可惜,更提示她做藝人更加要注意形象:「都唔知點解公開咗男友之後仲有咁多緋聞,希望大家(傳媒)高抬貴手!」

採訪:方騫平 攝影:梁志明

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd