首頁 日報娛樂

就快出碟傳大肚 圓潤石詠莉闊裙無腰好可疑

18/05/2019
■戴帽Patrick與男友人談笑風生,身旁嘅太太Sukie闊身裙下腹部微隆。
■戴帽Patrick與男友人談笑風生,身旁嘅太太Sukie闊身裙下腹部微隆。(1/6)

        45歲嘅鄧健泓(Patrick)17年底與石詠莉(Sukie)拉埋天窗,日前有傳兩公婆睇BB車,32歲Sukie疑有喜。雖然當事人否認有孕,但日前下午,本報喺銅鑼灣巧遇Patrick夫婦,當日零妝Sukie着上波鞋闊身裙,身形確係圓碌碌好似初孕婦,發福定大肚?真係好難分呀!

        近日Sukie忙灌錄新歌,計劃8月推出唱片,事業上努力衝刺,卻突然傳出夢熊有兆。兩公婆日前sweet爆食蛋糕慶祝拍拖6周年後,日前下午又拖晒手做連體嬰遊銅鑼灣。

  當日戴帽Patrick和老婆約咗男友人去商場食tea。見平日身材曲線分明嘅零妝Sukie着上闊身連身裙,全身無晒shape,側面睇仲有啲腹部微隆添!加上發晒福,真係好有初孕味㗎。High tea時,Sukie取出一瓶疑似補品飲,Patrick又全程細心照顧,有喜傳聞似層層。三人食飽飽後,笑笑口行去附近停車場取車,沿途Patrick都刻意行前護妻,Sukie亦有默契殿後,好怕被人撞親。最後,兩夫婦與男友人say bye,便去取車離開。

採訪 : 梁志明

其他文章
天佑《尋常心》大膽演HeHe 梁祖堯感激秋生助陣 成夢幻組合

  舞台劇百花齊放,近年吸引唔少影帝影后級人馬踏上舞台親親戲迷。最近「風車草劇團」將美國得獎舞...

hd