首頁 日報娛樂

與阿Sa年頭對到年尾 林峯笑言吃不消

18/05/2019
■林峯去年和阿Sa合作拍劇和新片,連食飯都一齊!
■林峯去年和阿Sa合作拍劇和新片,連食飯都一齊! (1/4)

  由林峯、蔡卓妍(阿Sa)、方中信主演的網劇《PTU機動部隊》正於「黃Viu煲劇平台」熱播,林峯相隔5年再拍港劇未有生疏,拍得相當開心,又笑言與好友阿Sa經常合作「對到嘔」;此外,他更為劇集獻聲唱片尾曲!

  首次飾演着制服的PTU警員,林峯感到光榮:「因為裝備非常之重,尤其是我哋每日着住對boot,又好多追逐戲,拍完之後,令我更佩服佢哋!今次係一次好好嘅經驗,可以感受警務人員嘅日常辛苦;着起套制服,成個人仲挺過着古裝,好自然就會有一種責任感、正義感。」

  「PTU」系列珠玉在前,作為演員的林峯認為毋須比較,劇組做過好多research,亦都得到PTU協助,希望做出一個真實而又有戲劇性嘅網劇,令觀眾產生共鳴。而他再為片尾曲《All We Need Is Time》獻聲,網友直呼懷念,大讚動聽。

  自電影《翡翠明珠》後,事隔8年再與阿Sa演情侶,林峯竟笑言「對到嘔」:「舊年可以話對住阿Sa對到嘔,因為舊年又同佢拍咗另一部電影,真係年頭對到年尾!其實又好開心,因為同阿Sa已經相識多年,私底下好熟、好有默契,每次同佢拍攝都好開心。」

其他文章
莊思明拍劇等嫁 王子涵演技被讚恨做女一

大馬拿督女莊思明(Lisa)和導演王晶的寶貝女王子涵(Ada),因有共同朋友而認識,並...

hd